Ioane 20:31 - Iaai Bible 1901 (New Caledonia)

³¹ ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 20:31 ပူးပေါင်းရင်းမြစ်များ

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Salamo 2:7

Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

Mataio 27:54

Ke haba keneturio, me tavat minya unyin, wale hnyat adre me tuö Iesu, ödrin e wâ hwiöi, ke ta je ûnyi adre me ânyâ, me ödrin e ot gan hmâ, me ha, ka habe, E hnathu Nokon Khong at ang.

Mataio 4:3

Me ame o but kâu at ame ûcûbic, me ha, ka habe, U je ne Nokon Khong, ha thö, me me areto but je veto ang.

Mareko 16:16

Haba at ama labageju me adre bapataisoâ, me ame he ka möt; ke haba at ama ca labageju bi, e ame he ka hnaûhango.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 1:4

mʼ u me he ka wâ thö hnathuiny ta je hofuc adre me nâ köu.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Ioane 19:35

Ke ame ohnathoâ hnen at ame wâ, ke hnathu but hnen hna ohnatho: ke a wâ but ae hnathu hnen hna ha, mʼ öbun e he minya ka labageju.

Ioane 20:28

Haba Toma ame thu kâu, ka habe, Tuhok me Khonguk.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ta je huliwa 10:43

Ame ohnathoâ gan hnen ta je perofeta hia, a adre me he ka thang degecâ but ta je hulo hia anyin tavat adre me labageju kâu, ûnyi hnyi ien.

Ta je huliwa 3:16

Ke haba at ang öbun e wâ, ke khanʼ öbun, me ame hwege bi ûnyi hnyi labageju ka hnyi ien, ke can ien bi: eke, adre me ham kâu hwege eang ae bekhöt hnyi hnyimaköbun hia hnen labageju a ûnyi gan.

Ta je huliwa 8:36

Ödru me tiga he eû hnyi gethen, me ödru me o but ka hnyi ke an; me ame ha eunuka ka habe, Walejo an; hawa, e kong he ka bapataisoi nya?

Ta je huliwa 9:20

Ke e ame ie kheti Iesu hnyi je sunago, a e thibi Nokon Khong.

I. Peteru 1:9

ke öbun e kap obiny anyibun labageju, wale melen je hanubun.

I. Ioane 4:15

Haba at ame he ka ha, ka habe, Iesu Nokon Khong, me Khong ame laba eû hnyin, ke e bi eû hnyi hnyekon.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

II. Ioane 1:9

Haba at ame ûne kʼ ame ca tethmâ hnyi hna ûne anyin Keriso, me Khong ame ca laba unyin: ke haba at ame tethmâ hnyi hna ûne anyin Keriso, me hu but gan Kamen me Nokon minya.

Hna Omanenâ 2:18

Ke sihnalimen ju ka angela anyin ekalesia hnyi Thuataira, ka habe, Walang ta je ûnyi ame ha hnen Nokon Khong, at ae hu li ecmak helâ me bâhlân meic, ke helâ me bras ae hadröngöc li can: