Ioane 20:25 - Iaai Bible 1901 (New Caledonia)

²⁵ Ke ame ha kân laten, ka habe, Ohmun e hia but wâ Than Ke e ame ha ködrin, ka habe, Oge ne ca mē wʼâ thö deny fao hnyi li hnyamen, me inâ banyök ka hnyi hwaden li fao, me inâ hnyamok ka hnyi vhaken, me oge me ca he bi nya ka labageju.

Ioane 20:25 ပူးပေါင်းရင်းမြစ်များ

Jobu 9:16

Oge ne hia but hongot, ke e ame thu könya; Me oge me ca he ka ûnykûme a e ame long hok.

Salamo 22:16

Anyin a hia but igigili nya hnen ta je kuli; A hia but theling nya hnen je deo at ae kong: Me dâ li hnyamok me li hnyeûcak.

Salamo 78:32

Ke so bi adre me tiga ânyâ hulo, Kʼ adre ca labageju bi hnyi anyin ta je huliwa hnân lâiâ.

Mataio 27:42

E ame omelö keihen; ke haba e bi e ca khana bi he ka omelö e. E, Tuhan at Isaraela; e so e ame utut walang ang ûheny hnyi satauro, mʼ ate me he ka labageju kâu.

Mareko 16:11

Ke ödrin e long ut a e a möt hmetu thö, ke a manen dut kâu, ke Ödrin e ca kap hofuc.

Mareko 16:13

Me ödru me he me omanenâ ka lahanödru: ke ödrin e ca köp ödru minya.

Mareko 16:14

Ke hwaban dö e e ame manen ködrin a eleven ödrin e tiga laba ka han; me e ame û ödrin can anyidrin ca labageju me khot a je hnyekudrin, anyin a ödrin e ca kap bi hna ha hnen hnyat ödrin e wâ e a ga möt hmetu thö.

Luka 24:25

Me e ame ha ködru, ka habe, Öbu li monu, me bec li hnyekubu he ka kap hia je hna ha hnen ta je perofeta!

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ioane 20:27

Ke e ame ha kö Toma, ka habe, Hö jem banyâm me wâ bi ang li hnyamok; ke hö jem hnyamâm, me inâ ju ka hnyi vhakök: me ca lolo bi, ke labageju ju.

Ioane 21:7

Haba aten waleji ame hnyok kâu Iesu, ame ha kö Peteru, ka habe, Than e. Ke a long ut Simona Peteru a Than e, me e ame khavâ anyin ûkot (anyin a ga uny), me e ame utut hnyiköiö ai.

Ioane 6:30

Me adre me ha kâu, ka habe, Ieû haten u me he ka mâdrâ, mʼ ohmun e wâ thö, me labageju köu? ieû ânyâm huliwa?

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Heberu 3:18

Kʼ ame khemanyin ko ia, a gʼ adre me ca he ka dit ka hnyi hnen hna menâ, hawa, ca kodra a hnyat adre me ca ûling?