Ioane 20:22 - Iaai Bible 1901 (New Caledonia)

²² Ke a hia but ha e, e ame menâ ködrin, me ha, ka habe. Kap ju Hanu Kap:

Ioane 20:22 ပူးပေါင်းရင်းမြစ်များ

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Jobu 33:4

Haba hanon Khong ame up nya, Ke a omeli nya homenân Ataekhanahia.

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Ezekiela 37:9

Me e ame ha könya, ka habe, Nokon at lö, perefota thö ka ang, perofeta thö me ba ka ang, ka habe, Walang hna ha hnen Than Iehova, ha habe, Homenâ lö, aiö u ûnyi hnyi je ang a vak, me menâ ka hnyi hon je hna hlingâ ejo, mʼ ödrin e he ka möt bi.

Ioane 14:16

Ke oge me he ka khöû ka Kamen, me me he ka ham köbun ke Ûhadruo, me me he ka tha e m bun nyiele balua,

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 16:7

Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ioane 20:23

haba ta je hulö anyin tavat öbun e hna, me adre me thang gadra; ke haba hnobun hna ca thang, me ame ka hnen ju.

Ioane 7:39

Ke e ame ha ge Hanu, wale ame he tavat adre me labageju kâu he ka kap: anyin adre me tiga ca ham Hanu; anyin adre me tiga ca ogânö Iesu.

Ta je huliwa 10:47

Haba Peteru ame ha, ka habe Ia ae khana he ka behânâ köiö mʼ adre me ca he ka hnyi bapataisoi ödra, tavat adre me hnyi kap Hanu Kap, helâ mʼ öta?

Ta je huliwa 19:2

me e ame ha ködrin, ka habe, Hawa, öbun e hia but kap Hanu Kap hnyi hnobun hna labageju? Ke ödrin e ha kâu, ka habe, Ohe, ke ca khanʼ ohmun a gʼ adre ham Hanu Kap.

Ta je huliwa 2:38

Haingö Peteru kodra, ka habe, Ietra ju, mʼ adre me ve bapataisoi öbun hnyi iö Iesu Keriso, mʼ adre me thang degecâ but anyibun ta je hulo; me öbun e he bi ka kap bwihlany a Hanu Kap.

Ta je huliwa 2:4

Me ödrin e unöngöt hia thö ge Hanu Kap, me hwân he ka fuc hnyi je ve hwen hnyei bi, helâ me hnen Hanu hna ham ködrin he ka fuc.

Ta je huliwa 4:8

Haba Peteru ame fuc kodra, ae unöngötö ge Hanu Kap, me ha, ka habe, Öbun tavat muso hnyei me wahingat lö,

Ta je huliwa 8:15

ke ödru me he but me hic hobi kodra, me me hu gadra Hanu Kap:

Galatia 3:2

Wale thibi ang ûnyi ame bekhanö nya gabun, ka habe, Hawa, öbun e kap ju Hanu ûnyi hnyi ta je huliwa hnyi hnanyibu, kʼ ame ne hnen long ûnyi hnyi labageju?