Ioane 20:19 - Iaai Bible 1901 (New Caledonia)

¹⁹ Hnyi sahacin bong eling, wale bong a bân hnyi seven, ke adre hlöng ut je hwanuma hnyi dok a laba hnyin laten, anyin a ödrin outen at Juda, me ame o thö Iesu me tot hnyi wanben, me ha ködrin, ka habe, Hnahic köbun.

Ioane 20:19 ပူးပေါင်းရင်းမြစ်များ

Salamo 122:8

Ge ta je liamekeiny mönya me ta je lahanök, Oge me he ka ha hnahici u.

Mataio 10:13

Ke a ne so uma eling, e so e ame ta but hon, hnobun hna ha hnahicâ e: ke a ne ca so bi, e so he ka hmetu köbun hnobun hna ha hnahicâ.

Mataio 18:20

Anyin a haba dok ame ûkhacaköu hnyin li at a lo, ame ne kun, hnyi iök, me inya ling hnyi wanbödrin.

Mareko 16:14

Ke hwaban dö e e ame manen ködrin a eleven ödrin e tiga laba ka han; me e ame û ödrin can anyidrin ca labageju me khot a je hnyekudrin, anyin a ödrin e ca kap bi hna ha hnen hnyat ödrin e wâ e a ga möt hmetu thö.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:22

E hu gabun walang ang hlöuhlöu: ke oge me he hmetu ka iouny mʼ öbun, me ame he je hnyekubun ka senyin, ke ba at ame he ka ohia anyibun senyin.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ioane 20:26

Ke hwaban je bong a eit, e hmetu thö laten hnyin uma, ke Toma unyidrin. Adre hia but hlöng je hwanuma, me ame o Iesu me tot hnyi wanbödrin, me ha, ka habe, Hnahic köbun.

Ioane 21:1

HWABAN ta je ûnyi e haba Iesu ame ka omanenâ e bi hmetu ka laten hnyi köien Tiberia; ke walang hwakecin hnen hna omanenâ e bi.

Ioane 21:14

Wale hnö Iesu hna okun omanenâ e bi ka laten, hwaban hnen hna möt hmetu ûheny hnyi hna mok.

Ioane 7:13

Ke ba at ame ha manenâ e anyin a ödra outen at Juda.

Ta je huliwa 1:3

ke e ame ka omanenâ e ködrin ae möt, hwaban anyin mok kʼ ame osehia ohnathoâ me labö o ködrin hnyi fâte je bong, kʼ ame ha bongon dokhu dokhon Khong:

Roma 15:33

E so e unyibun hia thithö Khongon hnahic. Amen.

I. Korinito 15:5

ke e ame manen kö Kefa; ke hwaban e ka hnyat a twelv;

Efeso 2:14

Anyin a e thibi anyita ûsoköu, waleji at ame khaca li at a lo, kʼ ame kia hak hnyi wanben, wale singiny uma,

Efeso 6:23

E so e unyin je liamekeiny ûsoköu me ibetengiö, me labageju, ûnyi ge Khong a Kamen me Than Iesu Keriso.

Filipi 1:2

E so e unyibun ibetengiö baû, me hnahic ûnyi ge Khong a Kamöta, me Than Iesu Keriso.

II. Thesalonika. 3:16

Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.

Heberu 7:2

ke haba Aberahama ame ham kâu ke keihen a libenyitainy hia (haba bongon ien a bân adre wia, me, Thaniny hwakecin ae wisa, ke hwaban dö e, Thaniny Salema, walang bongon, Tuhan ûsoköu;

III. Ioane 1:14

ke inya oge me gejon he ka ie iouny möu, ke otu me he ka ûhnenamö ûhnyimaköu. E so e unyâm ûsoköu. Je lahanöta ödrin e italofa möu. Inya oge me ve italofa ka je lahanöta.

Hna Omanenâ 1:4

Inya Ioane oge me set ka ta je ekalesia a seven hnyi Asia: E so e unyibun ibetengiö bâu, me ûsoköu ûnyi gan, at a e walang ang, ke kâû adrem, ke ame he ka o; me ûnyi ge ta je Hanu a seven hnyi hnyimakan anyin theron;