Ioane 20:16 - Iaai Bible 1901 (New Caledonia)

¹⁶ Iesu ame ha kâu, ka habe. Maria. E ame hwio thö me ha kâu, a hwen Heberu, ka habe, Raboni; walang bongon, At ûne.

Ioane 20:16 ပူးပေါင်းရင်းမြစ်များ

Genese 22:1

KE hwaban ta je ûnyi e, haba Khong ame cubic Aberahama, me ha kâu, ka habe, Aberahama lö; me e ame thu, ka habe, Inya ang.

Genese 22:11

Ke haba angela anyi Iehova ame hawâ e ûnyi hnyi drany me ha, ka habe, Aberahama, Aberahama lö: me haingen, ka habe, Inya ang.

Genese 45:12

Ke wâ bi, ame wâ li emaköbun, me li emakö Beniamina a keik, a gʼ ame fuc köbun hnen hnyimök.

Esodo 3:4

Ke a wâ but Iehova, a e ame saû ka wâ, me haba Khong ame hawâ e ûnyi hnyi ûö ae ûdedö, me ha, ka habe, Mose, Mose lö. Ke haingen, ka habe, Inya ang.

Esodo 33:17

Ke Iehova ame ha kö Mose, ka habe, Oge me he ka ânyâ minya ûnyi eang u me ha: anyin a inya oge me betenge gam, ke e khanö nya u me iâm.

Khumöng Hwanyi Solomona. 3:4

Oge me he ûhek unyidra ke tiga ca sâkâû, Me oge me wâ e at oge me hnyok kâu: Ke oge me kât e, me ca hna hmetu bi, Ke ne o but o ge me hom e ka hnyi uma umo bai, Hnyi hnyeuleny at ame erkini nya.

Khumöng Hwanyi Solomona. 5:2

Inya oge me mokut, ke hmak bi hnyekuk: Wale ifucin oûnykûmik ame kokot, haingen, ka habe, Hanuk lö, oûnykûmik, halek biny, beönuaik khong ut könya: Anyin a menyik ut bok ge hau, Ke leûnen bok ge dân hau hnyi lit.

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Mataio 14:27

Ke haba Iesu ame ie fuc ködrin, ka habe, Hwege thö; inya bi; ca ot.

Mareko 10:51

Ke Iesu ame thu kâu me ha, ka habe, Ieû ae wem oge me he ka mâdrâ köu? Haingen wadröu ame ha kâu, ka habe, Raboni, mʼ oge me he bi ka bwela.

Luka 10:41

Ke haba Than ame thu kâu, ka habe, Maretha, Maretha lö, u me kong hnyekom me hmak ge ta je ûnyi ae se hia:

Ioane 1:38

Haba Iesu ame hwio thö me ö dru ödru me he hoton, me e ame ha ködru, ka habe, Ieû öbu me elâm? Haingödru kâu, ka habe, Kabi (bongon At ûne), ewa dok u ma laba hnyin?

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 10:3

Ame khong ut kâu hnen at ame tuö homagöule; ke haba ta je mamoe, me adre me long ifucin: ke e ame hawâ ien haleny ta je mamoe, me hum ödra but hnyou ai.

Ioane 11:28

E a hia but ha e, me e ame he but, me hawâ duöngi Maria, a liamekeiny mē, me ha, ka habe, A o thö ang At ûne, ke e ame hawo u.

Ioane 13:13

Öbun e hawo nya, ka habe, At ûne me Than: ke so hnobun hna ha, anyin a eke.

Ioane 20:28

Haba Toma ame thu kâu, ka habe, Tuhok me Khonguk.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 5:2

E hnyi Jerusalema hnyi homagöuleny mamoe ke an, haba ion hnyi hwen Heberu, me, Betheseda, dok ae hu hnyin je poretiko a faiv.

Ioane 6:25

Ke adre me wâ ju e hnyi ke keihen köiö, haingödra kâu, ka habe, Rabi, u je o eang kehö?

Ta je huliwa 10:3

Ke e ame wâ hna omanenâ, ame ne hnyi awa a naininy, wale ame dit kâu angela anyin Khong, me ha, ka habe, Konelio lö.

Ta je huliwa 9:4

me e ame ta but ka hnyi kânâ, me ame long ke hofuc ame ha kâu, ka habe, Saulo, Saulo lö, ieû gam u me okongu nya?

I. Samuela 3:10

Ke ame o but Iehova, me tot, me hongot helâ me eja, ka habe, Samuela, Samuela lö. Ke haingö Samuela, ka habe, Ha thö, anyin a long ut athnyabaem.

I. Samuela 3:6

Ke haba Iehova ame hongot hmetu, ka habe, Samuela lö. Me Samuela ame todrö me he kö Eli, me ha, ka habe, Inya ang; anyin a u je hawo nya. Me haingen, ka habe, Oge ca hawo u nokuk; he hmetu thö ka mokut.