Ioane 20:1 - Iaai Bible 1901 (New Caledonia)

¹ HNYI bong a bân hnyi seven ame he but Maria Magadalena hnyi hnyomakatu kong ka hnyi erkemok, kʼ ame wâ veto adre me hom but ûnyi hnyi hnyimen erkemok.

Ioane 20:1 ပူးပေါင်းရင်းမြစ်များ

Mataio 27:56

ke wale minya unyidrin Maria Magadalena, me Maria hinyö Iakobo me Jose, me hinyen li laku Zebedaio.

Mataio 27:60

me ip e hnyi anyin bi erkemok ae teb ûnyi, waleji e ame thö hnyin kic: me hagutâ veto ae gan ka hnyi hnyimen erkemok, ke e ame he but.

Mataio 27:64

Anyin a wale hûna ju, mʼ adre me he ka ohmâ erkemok ke ne o but hnyi bong a kuniny, wâ e nye o but laten me venâu e, me ha ka tavat, ka habe, A möt hmetu thö e ûheny hnyi hna mok: me ame he ka gan dut monu a biliny hon monu a bân.

Mataio 27:66

Me ödrin e he but, me ohmâ wia erkemok, me ödrin e okeceâ hmâ veto ge haten, ke e bi unyidrin tavat tue.

Mataio 28:1

HABA hnyi obiny bong sabath, ke tiga okubelitiny bong a bân hnyi wik, ame o but Maria Magadalena me ke Mana he ka wâ erkemok.

Mataio 28:2

Ke wâ bi, wale hwiöi ae gan hmâ; anyin ame utut angela anyin Than ûheny hnyi drany, me o, me hagutâ veto ûnyi hnyi hnyimen erkemok, me laba ju hon.

Mareko 15:46

Ke e ame ûco ecmano lino, kʼ ame hom but e hnyikânâi, me lan e ge mano lino, me ip e hnyin erkemok adre thö hnyi kic; ke e ame tetebulo veto ka hnyi hnyimen erkemok.

Mareko 16:9

Ke a hia but todrö hnyi haolany hnyi bong a bâniny wik, me e ame bân ka manen kö Maria Magadelena, waleji a obâ je demoni a seven ûnyi hnyin.

Ioane 11:38

Iesu ame mâng hmetu eû hnyi hnyekon, me o ka hnyi erkemok, wale op, ke adre ip veto hnyi hnyimen.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 19:25

Ke ame tot hakekenyâ satauro hinyö Iesu, me liamekeiny me hinyen, jia Maria öiö Kaleopa, me Maria Magadalena.

Ioane 20:26

Ke hwaban je bong a eit, e hmetu thö laten hnyin uma, ke Toma unyidrin. Adre hia but hlöng je hwanuma, me ame o Iesu me tot hnyi wanbödrin, me ha, ka habe, Hnahic köbun.

Ta je huliwa 20:7

Ke hnyi bong a bân hnyi seven, ohmun e ûkhacaköu he ka subâ areto, haba Paulo ame khet kodra, anyin ame he ka he but nyi; ke beû hnen hna khet ke ne o but huyi wanbenset.

I. Korinito 16:2

Hnyi bong a bâniny seven e so öbun e ve ip unyibun bi helâ me hna ve hu, me me ba ûhnöhnö iny ka o thö.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,