Ioane 2:22 - Iaai Bible 1901 (New Caledonia)

²² Ke hnyi ûen ame möt hmetu thö e ûheny hnyi hna mok, me ame ûnykûme laten a gʼ ame ha helâe; ke ödrin e kap hna sihnalimen me hofuc a ha Iesu.

Ioane 2:22 ပူးပေါင်းရင်းမြစ်များ

Salamo 16:10

Anyin a u me ca he ka hna but hanuk ka hnyi hedis; Ke u me ca he ka hna degecâ atâm ae kap he ka wâ hna bobot.

Luka 24:26

Hawa, ca hamen Keriso he ka kap ta je vec eling, me he ka dit ka hnyi anyin hmanenang?

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Ioane 12:16

Ame ca wâhmakhmetoâ laten ta je hofuc eling ûnyi hnyi can: ke adre hia but oganö Iesu, me ödrin e ûnykûme a gʼ adre hia but sihnalimen ta je ûnyi e gan, ke adre me ânyâ ta je ûnyi e kâu.

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 16:4

Ke oge hia but ha ta je hofuc e köbun hobi kâu e ka o but ûen, öbun e he ka ûnykûme hnok hna ha ta je ûnyi e köbun. Ke oge me ca ha köbun ta je ûnyi e ûnyi hnyi can, anyin a tha inya möbun.

Ioane 2:11

Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ioane 2:17

Haba laten adre me ûnykûme hna sihnalimen, ka habe, A hia but uto nya hnen weny ae gan hmâ ka umâm uma.

Ioane 2:2

ke adre me hao Iesu me laten ka hnyi faipoipo.

Ta je huliwa 11:16

Me oge me ûnykûme thö hofuc hwan Than ame ha, ka habe, Ioane ame bapataiso ge köiö; ke adre me he ka bapataisoi öbun ge Hanu Kap.

Ta je huliwa 13:33

me a hia but ohwâdâ hnen. Khong ka lakuta hnyi hnen hna omeli Iesu hmetu thö; helâ me hna sihnalimen hnyi salamo a loiny, ka habe, U thibi Nokuk, oge me hnöku u hnyi bong ang.