Ioane 2:18 - Iaai Bible 1901 (New Caledonia)

¹⁸ Me ame thu at Juda me ha kâu, ka habe, Ieû haten u me he ka omanenâ kohmun, a u me ânyâ ta je ûnyi e?

Ioane 2:18 ပူးပေါင်းရင်းမြစ်များ

I. Je Than 13:3

Ke e ame bi haten hnyi bong eling, me ha, ka habe, Walang haten ame ha Iehova: Wâ bi, ame he ka hmouca taben hut, me hingölö je dröu ûnyi hnyi hon.

Esodo 7:9

E ka ha köbu Farao, ka habe, Ânyâ thö anyibu haten: me u me he ka ha kö Arona, ka habe, Hom dö ânyâm uci, me khûâ hnyikânâi hnyi hnyimakö Farao, me me on dut.

Mataio 21:23

Ke e ame o ka hnyi hnyin uma kap, me haba je taben tavat bihut me wahingatiny hnyei ödrin e o kâu hnyi ûen e ame tiga ûne, me haingödrin, ka habe, Hnen musi anyi ia u me ânyâ ta je ûnyi e?

Mareko 8:11

Ke ame o but ta je Faresaio me hwân he ka hnö e, adre me elâm gan haten ûnyi hnyi drany he ka cubec e.

Luka 11:29

Ke ame hwân ka ûkhacaköu thö tavat ae so hia, me e ame hwân he ka ha, ka habe, Haba dö ang, me dö ae kong: kʼ adre me elâm haten; ke ba haten adre me he ka ham kodra, ke so thibi haten anyi Jona perofeta.

Ioane 1:19

Ke walang hna ohnathoâ hnö Ioane hnyi ûen adre me kunâ tavat bihut me at Levi hnen at Juda ûhedra Jerusalema he ka hnö e, ka habe, U ia?

Ioane 1:25

Ke adre me hnö e me ha kâu, ka habe, Ieû gam u me bapataiso, kʼ u ca Keriso bi, ke ca Elia bi, ke u ca perofeta minya bi eling?

Ioane 6:30

Me adre me ha kâu, ka habe, Ieû haten u me he ka mâdrâ, mʼ ohmun e wâ thö, me labageju köu? ieû ânyâm huliwa?

Ta je huliwa 4:7

Me adre me otilʼ ödru hnyi wanben, me hnö, ka habe, Hnen ie man, ke hnen iö ia öbu me ânyâ ta je ûnyi e?

Ta je huliwa 5:28

Ohmun e hûna wia köbun, mʼ öbun e ca he ka ûne hnyi ien e: ke wâ bi, öbun e ounöngötâ Jerusalema ge hnobun hna ûne, ke öbun e ûnykûme he ka jönihmun dren at e.