Ioane 2:16 - Iaai Bible 1901 (New Caledonia)

¹⁶ me e ame ha ka tavat ûco je biny, ka habe, Hom dö ta je ûnyi eang ûheny ang; ca wia bi uma umo Cica, me me uma ûcû.

Ioane 2:16 ပူးပေါင်းရင်းမြစ်များ

Jeremia 7:11

Hawa, op umen tavat venöu hnyi hnyimaköbun uma eang wale adre ip hon e iök? Wâ bi inya oge wâ but, haingö Iehova.

Mataio 21:12

Ke haba Iesu ame didro hnyin uma kap umen Khong, me obâ hia tavat adre me ûcû hnyin uma kap, me hagutâ hnyikânâi ta je laulau anyin tavat wia mone, me je utap taben tavat adre me ûcû biny;

Mataio 21:13

me e ame ha kodra, ka habe, Adre hia but sihnalimen, ka habe, Adre me he ka hwenyi ien umök uma, me uma hnân hic: ke öbun e wia e me me op umen tavat venöu.

Mataio 22:5

Ke adre me oûnyibâûâ me ve se but, ke at ka hnyi iny ta hnyei, ke ke at ka hnyin anyin hna ûcû:

Mareko 11:17

Ke e ame ûne, me ha kodra, ka habe, Hawa, adre me ca sihnalimen, ka habe, Adre me he ka hwenyi ien umök uma, me Uma umen hic hobi kâu ta ogo hnyei hia thithö? ke öbun e hia but wia e me op a umen ta je venöu.

Luka 2:49

E ame ha ködru, ka habe, Ieû gabu öbu me elöm nya, e ca khanʼ öbu a hamök he ka vheno ta je ûnyi anyi cica?

Ioane 10:29

Haba Cica, wale at ame ham ödra könya, me gan hmâ hon ta je ûnyi hia; ke ba at ae khana he ka hûgûnʼ ödra but ûnyi hnyi hnyamen Kamen.

Ioane 2:15

me e ame hom je ong to hnân osö, me obʼ ödrin hia ûnyi hnyin uma, me ta je mamoe, me bolok; me hingâlâ degecâ ta je mone anyin tavat adre me wia mone, me ohnyimenâ hnyikânâi ta je laulau;

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Ioane 5:17

Ke haingö Iesu kodra, ka habe, Ame huliwa Cica ke ne o but hnyi bong ang, ke oge me huliwa bi nya.

Ioane 8:49

Iesu ame thu, ka habe, E ba demoni gak; ke inya oge me ogânâ Kamök, ke öbun e ohnyikönö nya bi öbun.

I. Timoteo 6:5

me ta je ûö hwege anyin tavat adre me hnyokâ hulo ke ca hu bi hnathu gadra, ke adre me ûnykûme, ka habe, haba hwakecin outen Khong me wale deny he ka hu kodra tang omjeû.

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.