Ioane 2:11 - Iaai Bible 1901 (New Caledonia)

¹¹ Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ioane 2:11 ပူးပေါင်းရင်းမြစ်များ

I. Je Than 17:24

Ke haingen momo kö Elia, ka habe, Walang e khanö nya a u aten Khong, ke e hnathu hofuc ho Iehova hnyi hnyimâm.

Salamo 72:19

Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

Salamo 96:3

Aû gaga thö anyin hmanenang hnyi wanben aten ke je hnyei, Me anyin ta je huliwa hnân lâiâ hnyi wanben tavat hia.

Esodo 14:31

Ke a wâ but at Isaraela huliwa ae gan ame ânyâ Iehova hon at Aigupito, me me outö Iehova tavat: ke adre me labageju kö Iehova me Mose a athnyabainy.

Esodo 4:9

Ke adre me ne ca kap li haten eling, me ca löng minya ifucâm, me u ma he ka sâû ûnyi hnyi köien wagewe, ke hingâlâ ka hnyi hon kânâ ae mada: me haba köiö u ma he ka sâû ûnyi hnyi wagewe, me ame he ka dra hnyi dok ae mada.

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Isaia 40:5

ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 1:43

Nyi e ame behe Galilaia ai, ke e ame ö Filipo: ke haingö Iesu kâu, ka habe, He hotuk.

Ioane 1:50

Haba Iesu ame thu me ha kâu, ka habe, U me labageju anyin a oge me ha köu, ka habe, Oge me ö u hnyi hmelen imeta? u me he bi ka wâ ta je ûnyi ae gan hon e.

Ioane 10:41

Me ame he but kâu tavat ae se hia, adre me ha, ka habe, A ca mâdrâ Ioane ke ûöman: ke e hnathu ta je hofuc hia a ha Ioane ge at ang.

Ioane 11:15

Ke inya oge me senyin gabun, anyin ae hiö nya e, mʼ öbun e he bi ka labageju; otin he thö kâu.

Ioane 11:47

Me haba je taben tavat bihut me ta je Faresaio adre me hawâ ûhnenamö, me haingödra, ka habe, Hawa gata? anyin ae se hia but ta je ûöman ame ânyâ at e.

Ioane 12:18

Wale minya me me ûkhanö mē tavat ae se hia, anyin adre long ut hnen hna mâdrâ ûöman eling.

Ioane 12:37

Ke so bi, eja ke ne a ne ânyâ ta je ûöman ae se hia hnyi hnyimakodra, adre me ca labageju kâu:

Ioane 12:41

Haba Isaia ame ha ta je ûnyi e, anyin a e ame wâ anyin hmanenang; kʼ ame hâiâ e.

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 16:27

anyin a Kamen ame betenge gabun, can öbun e hnyok könya, ke can öbun e kap a oge me o ûnyi ge Kamen.

Ioane 16:30

E khanʼ ohmun dut walang ang a u me wâ ta je ûnyi hia, ke ca ûnyi hnathu e ka he ke at ka hnei u: anyin a wale ohmun e ûnykûme a u me o unyi ge Khong.

Ioane 2:1

HABA hnyi bong a kuniny me adre me ânyâ faipoipo hnyi Kana hnyi Galilaia; eling hinyö Iesu:

Ioane 2:23

Tiga e bi hnyi Jerusalema hnyi bijeûiny paseka, ödra se hia adre me labageju ka hnyi ien, anyin adre me wâ ta je ûöman e ame ânyâ.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 4:3

me e ame hna but Juda me he hmetu Galilaia ai.

Ioane 4:46

E ame o hmetu hnyi Kana hnyi Galilaia, waleji e ame wia hnyin köiö me me waina. Ke wale ke taben, kʼ ame mok nokon hnyi Kaperenauma.

Ioane 4:54

Wale ûöman a loiny a ânyâ Iesu, waleji ge ibi ioiny hnyi Galilaia ûheny Juda.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ioane 6:14

A wâ but hnen tavat ûöman a ânyâ, me adre me ha, ka habe, E hnathu, walang perofeta adre me ha a gʼ ame he ka utut ka hnyi hmeledrany.

Ioane 6:2

Haba tavat ae se hia adre me he hoton, anyin adre me wâ ta je ûöman e ame ânyâ ka tavat a ödra mok.

Ioane 6:26

Haba Iesu ame thu ködra, ka habe, E hnathu, e hnathu inya oge me ha köbun, öbun e ca elöm nya anyin öbun e wâ ta je ûöman, ke anyin bi öbun e han areto me ame sekubun dö.

Ioane 6:30

Me adre me ha kâu, ka habe, Ieû haten u me he ka mâdrâ, mʼ ohmun e wâ thö, me labageju köu? ieû ânyâm huliwa?

Ioane 7:31

Ke ödra se hia adre me labageju kâu; me ödrin e ha, ka habe, E ka o but Keriso, hawa, e ame he ka ânyâ ta je ûöman hon hna ânyâ hnen at ang.

Ioane 9:16

Me ame ha keihen ta je Faresaio, ka habe, Ca ûnyi ge Khong at ang, anyin a e ame ca okabâ sabath. Ke haingen keihen, ka habe, A hawa at ae monu ka khana ka ânyâ ta je ûöman helâe? Me adre me khekhe lo but.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Deuteronomi 5:24

ke öbun e ha, ka habe, Wâ bi, Iehova Khonguta ame omanenâ köta hmanenanginy me ûganiny, kʼ ate me hia but löng hwan ame fuc ûnyi hnyi wanben meic: ate me wâhmakhmeto but hnyi bong ang a Iehova ame ûhnenamö me at, kʼ ame möt bi.

I. Ioane 5:13

Oge hia but sihnalimen ta je ûnyi e köbun tavat öbun e labageju ka ien Nokon Khong, me me khanʼ öbun ae hu but gabun möt ae ca ba balua.