Ioane 19:7 - Iaai Bible 1901 (New Caledonia)

⁷ Ame thu kâu at Juda, ka habe, E hu anyihmun hnanyibu, ke ûcû kâu he ka mok hnyi hnanyibu eling, anyin a e ame ka hâiâ e me Nokon Khong.

Ioane 19:7 ပူးပေါင်းရင်းမြစ်များ

Isaia 53:4

E hnathu e ame hia but vadren anyita ta je hlöuhlöu, ke hom tilâ anyita ta je vec: ke ate me ûnykûme e a gʼ adre hom oûhnyûkongoâ, a gʼ ame kot e ge Khong, kʼ adre ovecâ.

Levitiko 24:16

Ke haba at ame hakongoâ iö Iehova, me adre me he ka hlingâ; kʼ ame he ûkhacaköu hia ka lûâ e ge veto; ame ne atkanyua, ame ne aten hnyei, e ka haikongoâ iö Iehova, me adre me he ka hlingâ.

Mareko 15:39

Ke a wâ but keneturio, at ame tot cicö e, a gʼ ame hna but helâe hanon, me haingen, ka habe, E hnathu Nokon Khong at ang.

Ioane 19:8

Ke a long ut Pilato hofuc e, me e ame ot gan hmâ;

Ioane 5:18

Waleling me ti hwege at Juda he ka heleû deny he ka hlingâ e, ca ûnyi thibi ge hnen hna hanyâûâ sabath, ke anyin minya bi e ame ha, ka habe, haba Khong, me hing Kamen, kʼ ame oûco e me Khong.

Ta je huliwa 18:13

me ha, ka habe, Haba at eang ame ohmehmela tavat he ka hmi ka Khong ae ve e me hnanyibu.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

Deuteronomi 18:20

Ke haba perofeta ame he ka ha sheshamökâ ke hofuc hnyi iök, waleji oge me ca hûna kâu he ka ha; kʼ ame ne fuc hnyi ien ke je khong, awe, ame he ka mok perofeta eling.