Ioane 19:34 - Iaai Bible 1901 (New Caledonia)

³⁴ ke haba ke soja ame dâ vhaken ge ö, me ame ie hingölö but dra me köiö.

Ioane 19:34 ပူးပေါင်းရင်းမြစ်များ

Salamo 51:7

U me he ka ânyâwiö nya ge hisop, me inye he ka kalaöt ut: Ösûö nya ju, me inye he ka hau but hon kiona.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Mataio 27:62

Ke haba nyi, wale bong a hwaban bong hnân Penapena, ame ûkhacaköu thö kö Pilato je taben tavat bihut, me ta je Faresaio,

Ioane 19:33

ke adre me o but kö Iesu me wâ e a mokeu, me ödrin e ca thu li can:

Ioane 20:20

Ke a hia but ha e, e ame omanenâ ködrin li hnyamen me vhaken. Haba laten ödrin e senyin ödrin e wâ Than.

Ta je huliwa 22:16

Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 9:13

Anyin a ne khana dren ta je got me ta je bolok, me dren nokon kâu a momo adre jijingâ hon tavat ae kong, a ne khana ûnyi eling he ka okabâ ke ne o but ame obosoâ unyin,

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.

I. Peteru 3:21

wale thibi e hnyi ûhoûcû ae hnathu at ame omeli öbun minya walang ang, a bapataiso, ca ûnyi bi ge hna hneû degecâ ikikiny unyin, ke so bi he ka hnö ge ûnykûm sa ae so ka Khong hnen möt hmetu a Iesu Keriso;

I. Ioane 5:6

E thibi at eji ame o hnyi köiö me dra, Iesu Keriso; ca hake hnyi köiö, ke köiö me dra.

I. Ioane 5:8

Anyin a ödrin kun hnyat ödrin e ohnatho, wale Hanu, me köiö, me dra: ke khaca thibi, kun eling.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.