Ioane 19:30 - Iaai Bible 1901 (New Caledonia)

³⁰ A hia but Iesu kap vinega, me e ame ha, ka habe, A um dö: me e ame khudrung ju, me hna but hanon.

Ioane 19:30 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Salamo 22:15

E atgec dö tang hwegiök helâ me wataginy kaia; Ke ame kece bohmök ka hnyi wahicok; Ke u je hia but hum nya ka hnyi sesâiny kânâiny mok.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 27:50

Ke a hia but Iesu hongot hmetu, me e ame hna but hanon.

Mataio 3:15

Ke Iesu ame thu me ha kâu, ka habe, Më kap ju walang ang: anyin ae ûcû köta he ka hnu hoton hia thithö hwakecin ae wisa. Me e ame long kâu.

Mareko 15:37

Ke a hia but Iesu hongot hwege, me e ame mokcu.

Luka 22:37

Anyin a inya oge me ha köbun, e ûcû he ka hwâdâ könya hna sihnalimen ang, ka habe, Adre me tha aû e me tavat ae kong: anyin adre ohwâdâ ûnyi a ûnyi gak.

Luka 23:46

Ke haba Iesu ame hongot hwege me ha, ka habe, Cica lö, inya oge me hna but hanuk ka hnyi li hnyamâm: ke a hia but ha hofuc e, e ame mokcu.

Ioane 10:11

Inya ang at ame tuö wia ta je mamoe: haba at ame tuö wia je mamoe, me e ame ham anyin möt hnân singiny ta je mamoe.

Ioane 10:18

E ba at ame hûgûnâ e gak, ke inya oge me ham ka ûnyi gak. E hu man gak he ka ham e, ke hu man minya gak he ka hom hmetu. Wale hnanyibu oge me kap ûnyi ga Cica.

Ioane 17:4

Oge me oganö u eang hmeledrany, ke oge hia but umo huliwa u je kunö nya he ka ânyâ.

Ioane 19:28

Hwaban dö e, a wâ Iesu a ga um but ta je ûnyi hia, me e ame ha, ka habe, Oge me beic dö; me me hwâdâ hna sihnalimen.

Ioane 4:34

Haingö Iesu ködrin, ka habe, Walang ok, a oge me he ka mâdrâ weny at a kunö nya, me umo anyik huliwa.

Roma 10:4

Anyin a Keriso obiny hnanyibu hobi kâu hwakecin ae wisa kodra hia adre me labageju.

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

I. Korinito 5:7

Degec ut leven adrem, mʼ öbun e tap falawa ae teb ûnyi, helâke adre me ca leveni öbun. Anyin adre hia but hlingâ anyita paseka, wale Keriso:

Filipi 2:8

ke adre wâ e helâ me bongon at, ke e ame ka ohnyikânâ e bi, me long hoton ke ne o but ka hnyi mok, eke, wale mok hon satauro.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.