Ioane 19:25 - Iaai Bible 1901 (New Caledonia)

²⁵ Ke ame tot hakekenyâ satauro hinyö Iesu, me liamekeiny me hinyen, jia Maria öiö Kaleopa, me Maria Magadalena.

Ioane 19:25 ပူးပေါင်းရင်းမြစ်များ

Mataio 12:46

E ame tiga fuc ka tavat ae se hia, wâ bi, ame ûtitilen eû hnyou hinyen me je liamekeiny mē, e bewedrin he ka ûhnenamö mē.

Mareko 16:9

Ke a hia but todrö hnyi haolany hnyi bong a bâniny wik, me e ame bân ka manen kö Maria Magadelena, waleji a obâ je demoni a seven ûnyi hnyin.

Luka 2:35

eke adre me he ka dâoâ minya hnyekom ge hele vat; me me manen dut je ûnykûmen hnyok ae se hia.

Luka 23:49

Ke haba lahanen, me adre me tot sâkâû, me watamomo a hnyat ödrin e he hoton ûheny Galilaia, ke adre me wâ ta je ûnyi eling.

Luka 24:18

Haba ke at gadru Kaleopa ien, ame thu kân, ka habe, U me ne hake atkanyua biju la e hnyi Jerusalema, ae ca khanö u ta je ûnyi a o hnyi je bong eang?

Luka 8:2

me ke je momo waleji a omeli ödrin, kʼ ödrin e tren hanu ae kong me je mok, wale Maria adre me wenyö Magadalena, waleji hnen je demoni a seven hna didrut ûnyi hnyin,

Ioane 20:1

HNYI bong a bân hnyi seven ame he but Maria Magadalena hnyi hnyomakatu kong ka hnyi erkemok, kʼ ame wâ veto adre me hom but ûnyi hnyi hnyimen erkemok.