Ioane 19:24 - Iaai Bible 1901 (New Caledonia)

²⁴ Me adre me ûhnenamököuâ, ka habe, Ate me ca he bi ka kia, ke so bi he ka ugleköbâ, a hamö ia he ka hom: me me hwâdâ hna sihnalimen, ka habe, Adre me khenâ anyik je ûkhaû unyidra, Ke adre me ugleköbâ anyik ûkot. Wale ta je ûnyi ame ânyâ ta je soja.

Ioane 19:24 ပူးပေါင်းရင်းမြစ်များ

II. Je Than 15:12

Wale hofuc ho Iehova a ha kö Jehu, ka habe, Ame he je mâtrânâm ka tabâ theron hnyi Isaraela ke ne o but hnyi dö a vakiny. Me adre helâe.

Salamo 22:18

Adre me khenâ anyik je ûkhaû unyi drin bi, Me ugleköbâ anyik ûkot.

Esodo 28:32

Ke ame he ka hu hnyimen deny bân hnyi wanben; kʼ adre me he ka tibet telenu adre i hwâwâ igigilö hnyimen, helâ me man ûkhaûen vat me me ca he ka mou.

Isaia 10:7

Ke so bi e ame ca weny bi he ka helâe, kʼ ame ca ûnykûme hnyekon he ka helâe; ke e bi hnyi hnyekon he ka ohia me subâ degecâ je hnyei ke ca wakhalet bi.

Mataio 27:35

Ke adre hia but osatauroâ e, me adre me khenâ anyin je ûkhaû kodra bi, adre me ugleköbâ:

Mareko 15:24

Ke adre me osatauroâ e me khenâ anyin je ûkhaû, adre me ugleköbâ, ame ne he ka anyi ia eâu.

Luka 23:34

Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.

Ioane 10:35

A ne hia but ha, ka habe, Ödrin je khong, wale tavat a o ködrin hofuc hwan Khong, (ke ca khana bi he ka ohavâ hna sihnalimen),

Ioane 13:18

Oge me ca hai öbun hia: e khanö nya hnok je hna ûca: ke so bi me me hwâdâ hna sihnalimen, ka habe, Haba at ame an ök jeû me ame hûki nya ge ohmâiny can.

Ioane 19:28

Hwaban dö e, a wâ Iesu a ga um but ta je ûnyi hia, me e ame ha, ka habe, Oge me beic dö; me me hwâdâ hna sihnalimen.

Ta je huliwa 13:27

Anyin a tavat adre me laba hnyi Jerusalema, me ta je taben, adre me ca wâhmakhmeto e me hofuc hwan je perofeta adre me labö aû hnyi je sabath, me adre me ohwâdâ bi hofuc e hnyi hnödra hna ohnaûhangoâ e.