Ioane 19:19 - Iaai Bible 1901 (New Caledonia)

¹⁹ Ke haba Pilato ame set tusi me ip hon satauro. Ke walang hna sihnalimen, ka habe, IESU AT NAZARETA, TUHAN AT JUDA.

Ioane 19:19 ပူးပေါင်းရင်းမြစ်များ

Mataio 2:23

me o thö ka hnyi taun a Nazareta ien me laba ju eling: me me hwâdâ thö hna ha ge ta je perofeta, ka habe, Adre me he ka hâiâ e, me e at Nazareta.

Mataio 27:37

Ke adre me ip ethö hon ban hna bi fuco e adre sihnalimen, ka habe, Walang Iesu a Tuhan at Juda.

Mareko 15:26

Ke walang tusi adre sihnalimen a hnödra hna bifuco e, ka habe, Tuhan at Juda.

Luka 18:37

Ke adre me thumeto e a gʼ ame he thö Iesu at Nazareta.

Luka 23:38

Ke e hu tusi adre sihnalimen hon ka habe, WALANG TUHAN AT JUDA.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 18:33

Anyin a wale Pilato ame dit hmetu thö ka hnyi uma umen than, me hawo Iesu, me ha kâu, ka habe, Hawa u Tuhan at Juda?

Ioane 19:12

A hwân ang Pilato ka heleû deny he ka thang ut e: ke haba at Juda adre me hongot, ka habe, U je ne he ka thang ut at ang mʼ u ca hanö Kaisara but; anyin a haba at ame wia e me me than, me e ame tot ûcû Kaisara.

Ioane 19:14

Haba bong eling me bong Penapena paseka: ame ne awa a siksiny. Me e ame ha ka at Juda, ka habe, Wâ bi Tuhöbun!

Ioane 19:21

Me haingen ta je taben tavat bihut a hnyat Juda kö Pilato, ka habe, Ga sihnalimen, Tuhan at Juda; ke so bi a gʼ ame ha, ka habe, Inya ang Tuhan at Juda.

Ioane 19:3

me adre me he thö kâu me ha, ka habe, Talofa Tuhan at Juda! me adre me khaû e.

Ta je huliwa 26:9

E hnathu, haba ehac oge me ûnykûme a e ûcû könya he ka mâdrâ ta je ûnyi ae se he ka ûö bi ûnyi me iö Iesu At Nazareta.

Ta je huliwa 3:6

Ke haba Peteru ame ha, ka habe, E ba gak sileva me gol, ke oge me be ka ham köu hnok hna hu. Hnyi iö Iesu Keriso at Nazareta, he thö u.