Ioane 19:13 - Iaai Bible 1901 (New Caledonia)

¹³ A long ut Pilato hofuc eling me e ame hum Iesu but hnyou ai, me e ame laba hnyi taben owisa hnyi dok, ien, ka habe, Adre ave ge veto, ke haba hnyi hwen Heberu me, Gabatha.

Ioane 19:13 ပူးပေါင်းရင်းမြစ်များ

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

At Khet 5:8

U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

Isaia 57:11

Ke ie at waleji u me outen me öbubuny gan, anyin a u me thoi, me ca ûnykûme könya, ke u je ca ip eû hnyi hnyekom? hawa, oge me ca laba hnyibû hwân ehac, me u je outö nya?

Jeremia 38:19

Me Zedekia ame ha kö Jeremia, ka habe, Iny outen at Juda tavat adre hia but utut ka at Kaledaia, wâ adre nye he ka hnö nya ka hnyi je hnya-mödra mʼ adre me he ka hlumö nya.

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Mataio 27:19

Ke e ame tiga laba hon taben owisa, ke haba âiân ame ûkhûnöng kâu he ka ha, ka habe, Ca he bi u ka ânyâ ke ûnyi ka at e ae wisa: anyin a oge hia but ibiose vec gan hnyi bong ang hnyi bwi.

Luka 12:5

Ke oge me he ka kû köbun at öbun e he ka outen: Outen ju e at ae tren man he ka khûâ hnyi gena, at ka hia but hlingâ; eke, inya oge me ha köbun, outen ju e.

Ioane 19:17

Me adre me hum Iesu thö: me e ame didrut ka vadren satauro hobi kâu, ka hnyi dok, ien, Iny ibokomok, ke haba hnyi hwen Heberu, me Gologotha:

Ioane 19:20

E se hia at Juda adre me aû tusi e: anyin ae hakekeny ka hnyi taun dok adre me osatauroi Iesu hnyin: kʼ adre me sihnalimen hnyi hwen Heberu, me Roma, me Heleni.

Ioane 19:8

Ke a long ut Pilato hofuc e, me e ame ot gan hmâ;

Ioane 5:2

E hnyi Jerusalema hnyi homagöuleny mamoe ke an, haba ion hnyi hwen Heberu, me, Betheseda, dok ae hu hnyin je poretiko a faiv.

Ta je huliwa 4:19

Ke haba Peteru me Ioane ödru me thu ködrin, ka habe, Ûnykûme ju öbun ame ne wisa hnyi hnyimakan Khong he ka ling öbun, ame ne he ka long Khong: