Ioane 19:11 - Iaai Bible 1901 (New Caledonia)

¹¹ Iesu ame thu kâu, ka habe, Adre ne ca ham köu ûnyi ethö me ba ânyâm musi huk: waleling me me gan hulö anyin at a ham nya köu.

Ioane 19:11 ပူးပေါင်းရင်းမြစ်များ

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

Salamo 39:9

Oge me hum but, oge me ca khong hnyimök; Anyin a u thibi at a ânyâ.

Salamo 62:11

Khaca thibi hofuc ame ha Khong, Lo li hofuc oge me long, ka habe, E unyin thibi Khong tang hwege.

Je tenge anyi Jeremi 3:37

Ie at ame ha, me ame hwâdâ thö, ke ame ca hûna e Than?

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:25

a adre me he ka obö u unyin tavat, ke u me he ka tha laba me je menoiny hnyot, ke u me he ka han önying helâ me bolok, ke u me he ka kubet ge dân hau ûnyi hnyi drany, kʼ ame he ka seven je ûâm; ke ne o but ame khanö u thö a gʼ ame musi At ae Beönua hnyi dokhu dokhon tavat, kʼ ame ham e ka hnen hna weny kâu.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Daniela 5:21

ke adre obâ e unyin tavat; ke helâ but me je meno hnyekon, ke e ame tha laba me je asinainy hnyot; e ame han önying helâ me bolok, ke khubet unyin ge dân hau ûnyi hnyi drany: ke ne o but e ame wâ a gʼ ame musi Khong ae Beönua hnyi dökhu dokhon tavat, me e ame otilâ hon e hnen hna weny kâu.

Mataio 26:65

Me haba at bihut ae nua ame kia anyin je ûkhaû, me ha, ka habe, E ame hia but fuc bigan ka Khong: ke hnân eû hmetu a gʼ ame he ke at ka ohnatho? wâ bi, öbun e hia but long walang ang hofuc bigan:

Mataio 27:2

ke adre me ca e, me lelö thö e me hna but e kö Pilato a gavena.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Mareko 14:44

Haba at ame he ka alecuâ e ame hia but ha kodra haten, ka habe, Haba at eâu oge me he ka ûcimhnyimak mē, me wale bi e, kât ju, me lelö, me tuö wia e.

Luka 22:53

Oge tha e möbun hnyi je bong hnyi uma kap, ke öbun e ca hinöbeny könya: ke ûöbun eang, me man maniny lit minya.

Ioane 18:13

me lelo thö e a bân kö Ana; anyin a e ûngû Kaiafa taben tavat bihut hnyi huna eling.

Ioane 18:3

Ke haba Juda a hia but kap je soja me tavat tue ûnyi ge je taben tavat bihut me ta je Faresaio, adre me o eling me ta je lamepa me ta je okûnû me ta je ûnyi hnân vat.

Ioane 19:10

Haba Pilato ame ha kâu, ka habe, U me ca thu thö könya? e ca khanö u ae hu anyik musi he ka hnö u, ke hu anyik musi minya he ka osatauroi u?

Ioane 3:27

Haba Ioane ame thu kâu, ka habe, E ca khana at he ka kap ke ûnyi, adre ne ca ham bi kâu ûnyi hnyi drany.

Ioane 7:30

Me adre me elâm he ka kât e: ke ba ke at ame hinôbeny kâu, anyin ae tiga ca o bi ûen.

Ioane 9:41

Iesu ame thu kodra, ka habe, Öbun e ne je wadröu me ba bi anyibun monu, ke walang ang öbun e ha, ka habe, Ohmun bwelâ: waleling me me e bala bi anyibun monu.

Ta je huliwa 2:23

wale at adre me hna but ûnyi hnyi musi wisa me wâ bânâ hnen Khong, kʼ öbun e hia but osatauroâ me hlingâ hnen hnyamen tavat adre me hanyâûâ hnanyibu:

Ta je huliwa 3:13

Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e.

Ta je huliwa 4:28

ke so bi he ka ânyâ thibi ta je unyi adre ip hmâ adrem ge hnyamâm me ânyâm musi he ka mâdrâ.

Roma 11:36

Anyin a haba ta je ûnyi hia thithö, me ûnyi gan, me hnen e, me hnân hobi kâu, E so he ka ogânâ e nyiele balua. Amen.

Roma 13:1

E SO ka tavat hia he ka long hoton ta je musi ae gan: anyin ae ba ke musi a ca ûnyi ge Khong; haba Khong ame otilâ ta je musi ehele.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

Iakobo 4:17

Anyin a wale, haba at ae khana he ka ânyâ so, kʼ ame ca ânyâ bi, wale hulo bi kâu.