Ioane 18:33 - Iaai Bible 1901 (New Caledonia)

³³ Anyin a wale Pilato ame dit hmetu thö ka hnyi uma umen than, me hawo Iesu, me ha kâu, ka habe, Hawa u Tuhan at Juda?

Ioane 18:33 ပူးပေါင်းရင်းမြစ်များ

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 27:11

Ke Iesu ame tot hnyi hnyimakan gavena: ke haba gavena ame hnö e, ka habe, U tuhan at Juda? Haingö Iesu ame ha kâu, ka habe, U me ha e.

Mataio 27:27

Haba je soja anyin gavena adre me hum Iesu ka hnyi uma umen than, me öûkhacaköuâ kâu je hanen deo vat hia.

Mareko 15:2

Haba Pilato ame hnö e, ka habe, U Tuhan at Juda? Me e ame thu, me ha, ka habe, U me ha e.

Luka 23:2

Ke adre me hwân he ka bi fuco e, ka habe, Ohmun e wâ but at ang ame omono ita hnyei, kʼ ame thawâ he ka fat kö Kaisara, kʼ ame ha, a e thibi Keriso a ke than bi.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 12:13

me adre me bi lan pama me he ka ûkhanö mē, me hongot, ka habe, Hosana: hnahic hnen Than Isaraela, ame o but hnyi ien Than.

Ioane 12:15

U ca he ka ot, hlu nöku Ziona; wâ bi ame o but Tuhâm, ame tabâ nokon asina.

Ioane 18:34

Iesu ame thu, ka habe, u me ha e ka ûnyi gam, ke hawa, e hu at a haiö nya köu.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 18:38

Pilato ame ha kâu, ka habe, Ieû hnathu? A hia but ha e, e ame dit hmetu but ka at Juda me ha ködra, ka habe, Oge me ca wâ thö ke monu gan.

Ioane 19:12

A hwân ang Pilato ka heleû deny he ka thang ut e: ke haba at Juda adre me hongot, ka habe, U je ne he ka thang ut at ang mʼ u ca hanö Kaisara but; anyin a haba at ame wia e me me than, me e ame tot ûcû Kaisara.

Ioane 19:3

me adre me he thö kâu me ha, ka habe, Talofa Tuhan at Juda! me adre me khaû e.

Ioane 19:4

Haba Pilato ame dit hmetu but, me ha kodra, ka habe, Wâ bi oge ma odilâ but e köbun, me me manen köbun a oge me ca wâ thö ke monu gan.

Ioane 19:9

me e ame dit hmetu thö ka hnyi uma umen than, me ha ko Iesu, ka habe, Ûhem ua? Ke haba Iesu ame ca thu kâu.

I. Timoteo 6:13

Inya oge me hûna köu hnyi hnyimakan Khong at ame tuö möt anyin ta je ûnyi hia thithö, me Keriso Iesu, at ame haimemenâ so hnyi hnyimakö Ponetio Pilato;