Ioane 18:20 - Iaai Bible 1901 (New Caledonia)

²⁰ Haba Iesu ame thu kâu, ka habe, Oge hia but ha manenâ ka hmeledrany; oge me labö ûne hnyin je sunago, me hnyin uma kap, wale ame labö ûkhacaköu hnyin at Juda; ke ba hofuc oge me ha duöngâ.

Ioane 18:20 ပူးပေါင်းရင်းမြစ်များ

Salamo 22:22

Oge me he ka omanenâ iâm ka je liamekeiny mönya: Oge me he ka oganö u hnyi wanben ûkhacaköu.

Salamo 40:9

Oge hia but khetâ hwakecin ae wisa hnyi ûkhacaköu ae gan; Wâ bi, oge me ca he ka behânâ li esongodik, E manen köu e, Iehova.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Isaia 48:16

Hok ju jem könya, long ju ang; oge ca fuc hnyi dok ae iyong hwân hnyi can; hnyi ûen eji, inya ling: ke walang ang Iehova Than ame kunö nya, me hanon.

Mataio 24:26

Anyin a wale, ödra ka he ka ha köbun, ka habe, Wâ bi, e but hnyi hnyebuba, ca he thʼ öbun: ke Wâ bi, e but hnyi je hnyeûle eiö, ca kap öbun.

Mataio 26:55

Hnyi awa eling Iesu ame ha ka tavat ae se hia, ka habe, Hawa, öbun e o but me je hele vat me je utöhmu helâke me ka at venöu he ka hum nya? Oge me laba hnyin uma kap hnyi ta ogo bong he ka ûne, ke öbun e ca kot nya.

Mataio 26:65

Me haba at bihut ae nua ame kia anyin je ûkhaû, me ha, ka habe, E ame hia but fuc bigan ka Khong: ke hnân eû hmetu a gʼ ame he ke at ka ohnatho? wâ bi, öbun e hia but long walang ang hofuc bigan:

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 9:35

Ke haba Iesu ame vheno ta je taun me ta je hnyaba hia, ame ûne hnyi umödra ta je sunago, me khetâ ûthumetuiny dökhu ae so, me osoâ ta je mok hia, me ta je sēnyin hia.

Mareko 8:32

E ame ha manenâ hofuc eling. Ke haba Peteru ame lelö thö e me hwân he ka thawâ e.

Luka 21:37

Ke e ame ûne hnyi uma kap hnyi je lany; ke hnyinghet ut e ame didrut me laba hnyi bucen, Elaio ien.

Luka 4:15

Ke e ame ûne hnyi umödra je sunago, ke tavat hia adre me ogânâ e.

Ioane 18:21

Ieû gam u me hnei nya? hnei ödra bi tavat adre me long hnok hna ha ködra: wâ bi e khanʼ ödra but hnok hna ha.

Ioane 6:59

E ame ha ta je hofuc eling hnyi sunago, hnyi hnen hna ûne hnyi Kaperenauma.

Ioane 7:14

Ke haba hnyi wanben bijeû, me ame he Iesu ka hnyi uma kap, kʼ ame ûne.

Ioane 7:26

Ke wâ bi, e ame fuc manen, ke ba hodrin kâu. Hawa, e khana je taben me ka e Keriso?

Ioane 7:28

Me haba Iesu ame fuc hwege hnyi hnyin uma kap me nö ʼdra me ha, ka habe, E khanʼ öbun dut inya, ke khanʼ öbun minya but dok oge mwi hnyin; oge ca o ka ûnyi gak, ke e hnathu e at a kunö nya, wale at ae ca khanʼ öbun.

Ioane 7:4

Anyin ae ba at ame ânyâ duöngâ ke ûnyi, e ka weny bi he ka omanenâ e. U je ne ânyâ ta je ûnyi e, awe omanenö u thö ka hmeledrany.

Ioane 8:2

Ke hnyi hnyomakatu kong e ame o hmetu ka hnyi uma kap, me ame he but kâu tavat hia; ke e ame laba ju me nʼ ödra.

Ioane 8:26

E ha gak ta je ûnyi ae se he ka ha köbun me he ka owisa: ke so bi e hnathu e at a kunö nya; ke haba je hofuc a hwan oge me long me inya oge me ha e ka hmeledrany.

Ta je huliwa 26:26

Anyin ame wâhmakhmetoâ hnen than ta je ûnyi eang, me oge me ca hlohlo he ka fuc hnyi hnyimakan: anyin ae khanö nya wia ae ca iyong bi kâu ke ûnyi eang; anyin adre me ca ânyâ ûnyi eang hnyi dok ae iyong.