Ioane 18:18 - Iaai Bible 1901 (New Caledonia)

¹⁸ Ke ame ûtitilen eling lathnyaba me tavat tue, kʼ adre me hû ke meic alep, anyin a ödra megic, me adre me hlök: kʼ ame tha tot Peteru mödrin, ame munyi hlök.

Ioane 18:18 ပူးပေါင်းရင်းမြစ်များ

Genese 49:6

Hanuk lö, u ma ca he ka ûne gadru; Soik lö, ca bi hanen hnödru hna ûkha-caköu; Anyin ödre hlingâ at hnyi anyidru hmönyin, Me sö can bolok hnyi hnödru hna bi gan.

I. Je Than 19:9

Ke e ame o but ka hnyi op, me laba eling; ke wâ bi, ame o but kâu hofuc ho Iehova, me e ame ha kâu, ka habe, Elia lö, ieû u me ânyâ ang?

Salamo 1:1

HNAHIC hnen at ame ca vheno uhne-namö anyin tavat ae monu, Kʼ ame ca tot hnyi gethen deny tavat adre me ânyâ hulo, Kʼ ame ca laba hnyi tap taben at ame ûhiö.

Ta je Vejec 13:20

Tha he ju me tavat ae metâ, mʼ u me he ka metâ: Ke ame he ka iei at ame hanen tavat ae monu.

Mareko 14:54

Haba Peteru ame omise he hoton ka hnyi hnyin uma umen at bihut ae nua; ke e ame tha laba me je lathnyaba; kʼ ame hnyi hlök hnyi hnyimakan meic.

Mareko 14:67

ke e ame ö Peteru ame hlök, me e ame wâhmâ e, me ha kâu, ka habe, U minya ji unyin at Nazareta jia Iesu.

Luka 22:44

Ke e ame vec gan hmâ, me e ame hic hwege, ke haba khun gan ame hingölö ka hnyi kânâ, helâ me khukhulainy dra ae gan.

Ioane 18:25

Ke haba Simona Peteru ame tot, kʼ ame hlök. Me adre me ha kau, ka habe, U ke aten minya? E ame ivinö me ha, ka habe, Ca inya.

Ioane 18:3

Ke haba Juda a hia but kap je soja me tavat tue ûnyi ge je taben tavat bihut me ta je Faresaio, adre me o eling me ta je lamepa me ta je okûnû me ta je ûnyi hnân vat.

Ioane 21:9

Ke ödrin e o thö hot, ödrin e wâ meic alep, me je wâ hnyi hon, me areto.

Ta je huliwa 4:23

Ke adre hia but hnʼ ödru, me ödru me he but ka lahanödru, me thumetu ödrin ge ta je ûnyi hia a ha ködru tavat bihut ae nua me wahingat.

I. Korinito 15:33

Ca iyâûʼ öbun bi: ûhnenamö ae monu, wale at ame okongoâ hwakecin ae so.