Ioane 18:1 - Iaai Bible 1901 (New Caledonia)

¹ AHIA but Iesu ha ta je hofuc e, me e ame he hanyâûâ wagewe Kederon tha e me laten, eling ke ong utkânâ, me e ame o ka hnyin me laten.

Ioane 18:1 ပူးပေါင်းရင်းမြစ်များ

Genese 2:15

Ke haba Iehova Khong ame hom at, me ip ju e hnyi hnyei Edena he ka belökâ me tuö.

Genese 3:23

anyin a wale Iehova Khong ame obâ but e ûnyi hnyi hnyei Edena, me me belökâ kânâ waleji adre hia but hom e ûnyi hnyin.

II. Samuela 15:23

Ke ame tenge goranyai hnyei hia, ke tavat hia adre me he hanyâûâ: me than minya bi ame hanyâûâ wagewe Kederon, kʼ ame hanyâûâ tavat hia thithö getheniny hnyebuba.

I. Je Than 15:13

Ke e ame digic Maaka minya a hinyen, me me ca momo than hmetu, anyin a e ame theati Aseira; ke haba Asa ame sö degecâ idola anyin momo, me thong degecâ hnyi wagewe Kederon.

I. Je Than 2:37

Anyin a hnyi bong u me he ka he didrut me hanyâûâ wagewe Kideron, wâhmakhmeto ju a u me he ka mok: ame he ka mokut hon bâm drâm bi.

II. Je Than 23:12

Ke haba je taben hut walethö hnyi hon ban hnyeule Ahaza, a ânyâ ge je than Juda, me je taben hut a ânyâ Manase hnyi li hnyeuleny uma umo Iehova, me haba than ame kia but, me hagutâ hnyikânâi ûheny e, me khûâ dron ka hnyi wagewe Kederon.

II. Je Than 23:4

Me haba than ame hûnö Hilekia at bihut ae nua, me tavat bihut a loiny, me tavat tuö hwanuma, he ka hom ûnyi hnyi hnyin uma umo Iehova je kaia hia adre ânyâ hobi kö Baala, me Aseira, me hobi kâu ta je ûnyi hia hnyi drany: me e ame thong degecâ hnyi hoton Jerusalema hnyi je utkânâ hnyi Kederon, me hom je dron Beth-ela ai.

II. Je Than 23:6

Ke e ame hom but Aseira ûnyi hnyi hnyin uma umö Iehova hoton Jerusalema ai ka hnyi wagewe Kederon, me thong degeci ödrin hnyi wagewe Kederon, me omomono e, me khûâ but dröuiny hon je erkemok anyin houmonu.

II. Man Ûlabainy Je Than. 15:16

Ke haba Maaka hinyö Asa than, me e ame wia degecâ e me me ca momo than hmetu, anyin a e ame ânyâ hna theati Aseira; ke Asa ame sö degecâ idola anyin momo, me oamamâ e, me thong degecâ hnyi wagewe Kederon.

II. Man Ûlabainy Je Than. 29:16

Ke haba tavat bihut ödrin e dit ka hnyi hnyin uma umo Iehova, he ka ânyâwia, me degec ta je ûnyi hia ae kong ödrin e wâ hnyi uma umo Iehova ka hnyi hnyeuleny uma umö Iehova. Ke haba at Levi ödrin e hom kâû ka hnyi wagewe Kederon.

II. Man Ûlabainy Je Than. 30:14

Ke ödrin e todrö me hom je taben hut wale hnyi Jerusalema, kʼ ödrin e hom minya ta je taben leû utö ae bo so, me ödrin e khûâ ka hnyi wagewe Kederon.

Nehemia 2:15

Me oge me ölö hnyi hnyinghet hnyi wagewe, me wâ hna up hak; ke oge me hwio, me dit hnyi getheniny homagouleny e hnyi hnyigöulen bucen, me hmetu eling.

Jeremia 31:40

Ke ame he ka kap kö Iehova hnyigöulen bucen hia anyin je komok, me je hnabadröu, me je utkânâ hia ke ne o but hnyi wagewe Kederon, ke ne o but hnyi kopiny homagouleny je hors e deiö; adre me ca he hmetu ka oc e, me kia nyiele balua.

Levitiko 2:6

U ma he ka susubâ, me hû ge wakaco; wale hudiny han.

Mataio 26:30

Ke ödrin e hia but hai khumöng me ödrin e he but ka hnyi bucen Elaio.

Mataio 26:36

Haba Iesu ame tha o mödrin ka hnyi ke dok Gethesemane ien, me e ame ha ka laten, ka habe, Laba ju öbun ang, mʼ inye me he ju ka hic elâ.

Mareko 14:26

Ke ödrin e hia but hai khumöng, me ödrin e he but ka hnyi bucen Elaio.

Mareko 14:32

Ke ödrin e o but ka hnyi ke utkânâ Gethesemane ien: me e ame ha ka laten, ka habe, Më laba ju eang, inya mē he ju ka hic.

Mareko 14:42

Todrö, otin e he thö: wâ bi, wale but ang at ame he ka alecuo nya.

Ioane 14:31

ke ba anyin ûnyi ûnyi gak: ke so bi me me wâ thö hmeledrany a inya oge me hnyok ka Kamen, ke oge me mâdrâ helâ me hnen Kamen hna hûna könya. Todrö, otin e he thö eang.

Ioane 18:26

Ke ame ha ke at hanen athnyabainy taben tavat bihut, a liamekeiny me at eji a subâ Peteru hnyikonyen, ka habe, Oge me ca ō u mē hnyi ong utkânâ?

Ta je huliwa 21:11

Ke e ame o but kohmun, ke e ame hom weikö Paulo, me ame ka ca bi kâu li can me li benyin, me ha, ka habe, Haingen Hanu Kap, a gʼ ame he at Juda hnyi Jerusalema ka helâng hna ca at a weiken ang, me he ka hna ka hnyi hnyamen Aten ta je hnyei.