Ioane 17:3 - Iaai Bible 1901 (New Caledonia)

³ Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 17:3 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 15:3

Ke se hia je bong ae ca hu Khong ae hnathu unyin at Isaraela, ke ba at ûne a at bihut, ke ba hnanyibu:

Salamo 9:10

Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.

Ta je Vejec 8:35

Anyin a haba at ame ö nya, me ame wâ möt, Kʼ ame he ka hu gan ibetengiö ûnyi ga Iehova.

Isaia 48:16

Hok ju jem könya, long ju ang; oge ca fuc hnyi dok ae iyong hwân hnyi can; hnyi ûen eji, inya ling: ke walang ang Iehova Than ame kunö nya, me hanon.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mareko 9:37

Haba at ame he ka kap ke wanakat a helâng hnyi iök, me e ame kop nya: ke haba at ame kop nya, ame ca hake kop nya, ke at minya bi a kunö nya.

Luka 9:48

me ha ködrin, ka habe, Haba at ame he ka kap wanakat ang hnyi iök, me e ame kop nya: ke haba at ame he ka kop nya, ame kap at a kunö nya: anyin a haba at ae ûhnyûkong gabun hia thithö, wale at ae gan.

Ioane 10:36

öbun e ha gan, wale hnen Kamen hna okabâ, me kunâ ka hnyi hmeledrany, ka habe, U me bi gan; anyin oge me ha, ka habe, Inya ang Nokon Khong?

Ioane 11:42

Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya.

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 17:18

U je kunö nya ka hnyi hmeledrany, helâe minya oge me kun Ödrin ka hnyi hmeledrany.

Ioane 17:21

mʼ adre me be bi hia thithö ka khaca thibi; helâ me u Cica eû hnyi hnyik, ke inya minya bi eû hnyi hnyâm, me me tha ödra mʼ ötu: me me labageju hmeledrany a u je kunö nya.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ioane 17:25

Kamen ae wisa lö, e ca khana hmeledrany u, ke haba inya, me khanö nya u; ke haba hnyat ang, me khanʼ ödrin a u je kunö nya;

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 3:17

Anyin a ca kunâ bi Khong Nokon ka hnyi hmeledrany he ka ohnaûhangoâ hmeledrany; ke so bi he ka omelö hmeledrany a deny e.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 6:57

Haba Kamen ae möt ame kunö nya, ke inya oge möt ûnyi ge Kamen; ke helâe ge at ame he ka han unyik, e ame he ka möt ûnyi gak.

Ioane 7:29

E khanö nya e, anyin a ûhek unyin, ke e a kunö nya.

Ioane 8:19

Me haingödra kâu, ka habe, Ewa Kâmâm? Iesu ame thu, ka habe, E ca khanʼ öbun inya, me Cica: a ne khanʼ öbun inya, me khanʼ öbun minya Kamök

I. Korinito 15:34

Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.

I. Korinito 8:4

Haba ge hna an ta je ûnyi adre hudo ka ta je hnatheat, e khanʼ öta ae ûnyi baû eang hmeledrany hnatheat, ke ba minya ju ke Khong, ke khaca thibi.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Filipi 3:10

mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

Heberu 3:1

ANYIN a wale hnyat me lakeiny ae kap lö, hanen tavat adre me hawâ ûnyi hnyi drany, ûnykûme ju Aposetolo me At bihut ae nua hnyi anyita hmi, a Iesu;

II. Peteru 1:2

e so adre osehia unyibun ibetengiö baû me ûsoköu hnyi hna wâhmakhmetoâ Khong me Iesu Keriso a Tuhöta;

II. Peteru 1:3

anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

II. Peteru 1:8

Anyin a ne e unyibun ta je ûnyi e, kʼ ame ne se, me wale ame he ka wiʼ öbun mʼ öbun e ca hnyat baû bi, ke ca hnyat bi adre me ca wâ, hnyi hna wâhmakhmetoâ Tuhöta Iesu Keriso.

I. Ioane 1:2

(ke a manen dut möt, kʼ öhmun e hia but wâ me ohnathoâ, me thumetu öbun ge möt a nyiele balua bi, waleji ae unyin Kamen, kʼ adre me omanenâ kohmun):

I. Ioane 1:3

ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

I. Ioane 2:23

Haba at ame ivinoâ Nokon, me hia but Kamen unyin: ke haba at ame haimemenâ Nokon, me e but unyin minya Kamen.

I. Ioane 4:6

Öhmun tavat ûnyi ge Khong: ke ame ling öhmun hnen at ame wâhmakhmeto Khong; ke ame ca ling öhmun hnen at a ca ûnyi ge Khong. Hnen ûnyi e ate me wâhmakhmeto hanu ae hnathu, me hanu ae monu.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.