Ioane 17:26 - Iaai Bible 1901 (New Caledonia)

²⁶ ke oge me omanenâ ködrin iâm, F oge me he minya bi ka omanenâ e; me me laba eû hnyi je hnyekudrin ibetengiö waleji a hnâm hna betenge gak, ke inya eû hnyi je hnyekudra.

Ioane 17:26 ပူးပေါင်းရင်းမြစ်များ

Salamo 22:22

Oge me he ka omanenâ iâm ka je liamekeiny mönya: Oge me he ka oganö u hnyi wanben ûkhacaköu.

Ioane 14:20

Öbun e he ka wâ hnyi bong eling a inya eû hnyi hnyi Cica, ke öbun eû hnyi hnyik, ke inya eû hnyi hnyibun.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 15:15

Oge me ca ha hmetu, ka habe, lathnyaba; anyin ae ca khana athnyaba ûnyi a ânyâ tuhan: ke oge me hai öbun a lahanök; anyin a haba ta je ûnyi hia oge me löng ûnyi ga Cica, mʼ oge hia but omanenâ köbun.

Ioane 15:4

Laba ju öbun eû hnyi hnyik, ke inya minya eû hnyi hnyibun. E ca khana vheiny he ka wa thibut, a ne ca tot hnyi vine; ke helâe e ca khanʼ öbun, öbun e ne ca laba eû hnyi hnyik.

Ioane 15:9

Inya oge me hnyok köbun helâ me Kamen ame hnyok könya: tet hmâ ju öbun hnyi anyik ibetengiö.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ioane 17:6

Oge hia but omanenâ iâm ka tavat u je hna könya ûnyi eang hmeledrany: ânyâm ödrin ke u je hnʼ ödrin könya; ke ödrin e vheno but hwâm hofuc.

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 6:56

Haba at ame he ka an unyik me ijem drök, me ame laba eû hnyi hnyik, ke inya bi eû hnyi hnyekon.

Ioane 8:50

Ke oge me ca elâm hnân ogânö nya bi: e hu at ame elâm, me owisa minya.

Roma 8:10

Ke a ne eû hnyi hnyibun Keriso, a mokut unyin bi can hulo; ke möt bi hanu can hwakecin ae wisa.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 12:12

Anyin a khaca thibi unyin, ke se hia bi ta je ong outhunyin, ke haba ta je outhunyin hia, me se hia, ke so bi khaca thibi unyin; helâe minya Keriso.

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Efeso 5:30

anyin a öta ang je ong outhunyin Keriso.

Efeso 5:32

Ûnyi e ae iyong hmonyin: ke oge me ha ge Keriso me ekalesia.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 2:10

kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö;

Kolose 3:11

ke ba bi unyin at Heleni me at Juda, me tavat adre me peritomonâ me ca peritomonâ, me aten je hnyei, me at Sekuthia, me athnyaba, me at he baû: ke haba Keriso, me ta je ûnyi hia, ke unyin hia.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

Heberu 2:12

ame ha, ka, habe, Oge me he ka omanenâ iâm ka je liamekeiny mönya, Oge me he ka khumöng olungi u hnyi wanben ekalesia.

I. Ioane 3:24

Ke haba at ame löng hoton anyin ta je hnanyibu, me ame laba eû hnyi hnyekon, ke e minya eû hnyi hnyekon. Ke hnen bi e, me ate me wâhmakhmeto a e ame laba eû hnyi hnyekuta, ûnyi ge Hanu e ame ham köta.