Ioane 17:22 - Iaai Bible 1901 (New Caledonia)

²² Ke haba hmanenang u je hia but ham könya, oge hia but ham kodra; mʼ adre me he bi ka khaca thibi, helâ me ötu a ötu khaca thibi;

Ioane 17:22 ပူးပေါင်းရင်းမြစ်များ

Mareko 6:7

Ke e ame hawâ hnyat a twelv, me hwân he ka kunʼ ödrin, a ödrin ûcû lo; ke e ame ham ködrin musi hon ta je hanu ae kong;

Luka 22:30

mʼ öbun e he ka han me ic hnyi anyik laulau hnyi dökhuk dokhu; ke öbun e he ka ve laba hon je theron he ka owisa ta je tribu anyin at Isaraela a twelv.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:16

Eke, ate me hia but ve kap jekhoû ûnyi hnyi anyin unöngöt, wale betenge bâu ke betenge bâu.

Ioane 14:20

Öbun e he ka wâ hnyi bong eling a inya eû hnyi hnyi Cica, ke öbun eû hnyi hnyik, ke inya eû hnyi hnyibun.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ta je huliwa 5:41

Me ödrin e he but ûhedrin hnyi hnyimakan tavat ûhnenamö, me senyin anyin adre me hna ködrin he ka kong can Ien.

Roma 8:30

ke haba hnyat e ame okabâ adrem, me e ame hawʼ ödra bi: ke haba tavat e ame hawʼ ödra, me e ame haiwisʼ ödra bi; ke haba tavat e ame haiwisʼ ödra, me e ame ohmanenangi ödra bi.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 5:20

Anyin a wale, öhmun je metâ anyin Keriso, helâke Khong ame khöû ûnyi gahmun: ke öhmun e sumatʼ öbun, hobi kâu Keriso, ka habe, ûsoköu öbun ju me Khong.

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Efeso 2:20

ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso;

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

I. Ioane 1:3

ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

I. Ioane 3:24

Ke haba at ame löng hoton anyin ta je hnanyibu, me ame laba eû hnyi hnyekon, ke e minya eû hnyi hnyekon. Ke hnen bi e, me ate me wâhmakhmeto a e ame laba eû hnyi hnyekuta, ûnyi ge Hanu e ame ham köta.

I. Ioane 4:17

Hnen thibi ang adre me obekhotâ ibetengiö unyita, mʼ ate me he ka hu hnyok ae hwege hnyi bong owisa: anyin a öta tha ûcû më eang hmeledrany.

Hna Omanenâ 21:14

Ke twelv ta taben hak veto hnyi taun, ke haba hnyi je taben eling e hu je ien je aposetolo a twelv anyin Arenio.