Ioane 17:17 - Iaai Bible 1901 (New Caledonia)

¹⁷ Okabi ödrin ju ge hnathu gam: he haba hnathu, me hwâm hofuc.

Ioane 17:17 ပူးပေါင်းရင်းမြစ်များ

II. Samuela 7:28

Ke walang ang, Than Iehova lo, u thibi Khong, ke hnathu hwâm hofuc, ke u je hia but ha bânâ ka athnyabaem ûnyi eling ae so:

Salamo 119:104

Oge me wâhmakhmeto a deny ânyâm ta je hnanyibu: Anyin a wale hûkötiânök ta je gethen hia ae thoi.

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Salamo 119:144

E wisa balua bi hnâm ta je hna ohnathoâ: Okhanö nya thö, me oge me he ka möt.

Salamo 119:160

Haba onyen hwâm hofuc, me, hnathu; Kʼ ame ve tethmâ nyiele balua hnâm ta je hna owisa hia.

Salamo 119:9

Ame he ka kâmâu hidröu ka ânyâwia deny gethen? Hamen he ka wâ wia e hoton hwâm hofuc.

Salamo 12:6

Hofuc ae kalaöt je hofuc ho Iehova; Helâ me sileva adre le hnyi meic eû hnyi kânâ Wale adre oseven le.

Luka 8:11

Walang ûhöûcû, ka habe, Haba wan, wale hofuc hwan Khong.

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Ioane 15:3

Öbun e kalaöt ut hnyi bong ang ge hofuc oge hia but ha köbun.

Ioane 17:19

Oge me ka okabi nya hobi ködrin, mʼ ödrin e kap bi ödrin hnyi hnathu.

Ioane 8:32

ke ame he ka khanʼ öbun hnathu, ke adre me he ka hnʼ öbun ge hnathu.

Ioane 8:40

Ke walang ang, öbun e elâm he ka hlingö nya, wale at ame ha köbun hnathu, waleji oge me long ûnyi ge Khong: ke ca ânyâ helâe Aberahama.

Ta je huliwa 15:9

ke e ame ca wâhmakhmetu otin bi mödra, ame ânyâwia je hnyekudra ge labageju.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

Efeso 4:21

öbun e ne long kâu, me ûne unyin helâ me hnathu unyi Iesu:

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

II. Thesalonika. 2:13

Ke hamöhmun he ka oleâ bala bi gabun, hnyat me lakeiny a laoûnykûminy Than, anyin a Khong ame ûcʼ öbun ûnyi hnyi can he ka möt, hnyi hna okabâ hnen Hanu, me he ka kap hnathu.

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.