Ioane 17:11 - Iaai Bible 1901 (New Caledonia)

¹¹ Ke oge me ca he hmetu ka laba eang hmeledrany, ke ödrin e he biju ka laba eang hmeledrany, ke inya oge me he but köu. Kamök ae kap lö, tuʼ ödrin ju hnyi iâm waleji u je ham könya, mʼ ödrin e khaca thibi helâ me ötu.

Ioane 17:11 ပူးပေါင်းရင်းမြစ်များ

Salamo 79:9

Khongon melihmuu lö, hadruʼ ohmun dö can hmanenanginy iâm: Ke thong ohmun dö, me ohia anyihmun je hulo ge iâm,

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 27:3

Inya Iehova at ame tuö e; oge me he ka labö hû e hnyi je ong ûen hia, oge me he ka tuö e hnyi lit me lany, wâ e nye okongoâ e hnen ke at.

Isaia 64:2

helâ me meic ame vâc je ong utö, me ame citröu köiö ge meic: he ka omanenâ iâm ka ta je iwahnaihmiony möu, me me öbubuny je hnyei hnyi hnyimâkâm!

Jeremia 14:21

Ca he bi ka ikiki ohmun, ûnyi hnyi iâm; ca he ka okongoâ theroniny ânyâm hmanenang: ûnykûme ju, ca he ka thamuâ ânyâm ûhihinyköu möhmun.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Ezekiela 20:22

Ke so bi oge me ohmeto hnyamok, kʼ oge me huliwa can iök, me me ca he ka kong e hnyi hnyimakan je hnyei, waleji oge me hum ödra hnyi hnyimakodra.

Ezekiela 20:44

Ke öbun e he ka wâ a inya Iehova, iny ka hia but huliwa unyibun can iök, ke ca hoton debun je gethen ae kong, ke anyibun je huliwa ae kong, lap anyi Isaraela, haingen Than Iehova.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Ioane 13:1

A TIGA ca bijeûâ paseka, ke a wâ Iesu a ga o but ûen he ka he but ka Kamen ûheny ang hmeledrany, ke a hia but hnyokâ lahanen eang hmeledrany, me e ame hnyoki ödra ke ne o but obiny.

Ioane 13:3

ke a wâ but Iesu a gʼ ame hia but hna ta je ûnyi hia ka hnyi hnyamen hnen Kamen, ke ûheny unyin Khong, kʼ ame he ka hmetu ka Khong,

Ioane 14:20

Öbun e he ka wâ hnyi bong eling a inya eû hnyi hnyi Cica, ke öbun eû hnyi hnyik, ke inya eû hnyi hnyibun.

Ioane 16:28

Oge me he but ûhek unyin Kamen, me o eang hmeledrany; ke oge me he hmetu ka hna hmeledrany me he ka Kamen.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ioane 17:25

Kamen ae wisa lö, e ca khana hmeledrany u, ke haba inya, me khanö nya u; ke haba hnyat ang, me khanʼ ödrin a u je kunö nya;

Ioane 17:6

Oge hia but omanenâ iâm ka tavat u je hna könya ûnyi eang hmeledrany: ânyâm ödrin ke u je hnʼ ödrin könya; ke ödrin e vheno but hwâm hofuc.

Ioane 7:33

Haba Iesu ame ha, ka habe, E ca beû biju ûök a ûlabaik eang unyibun, ke oge me he ka he but ka at a kunö nya.

Ta je huliwa 3:21

at a kap hnen drany ethö ke ne o but hnyi je ûen ame he! ka hwâdâ hnyin ta je ûnyi hia waleji ame ha hnen Khong a deny anyin ta je perofeta hia thithö ae kap hwân kâû adrem bala.

Roma 12:5

helâe minya öta, at se hia, khaca thibi unyin unyi Keriso, ke je ong outhunyin öta ke at ka ke at.

Roma 9:17

Anyin a haingen hna sihnalimen kö Farao, ka habe, Can thibi eling oge me otilö u, me inye he ka omanenâ manik man ûnyi gam, me me lung iök bi hnyi hmeledrany hia.

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Efeso 4:4

Khaca thibi unyin, ke khaca thibi Hanu, helâ me hnödra hna hawʼ öbun hnyi geju a khaca waleji adre hawʼ öbun ka hnyin;

Filipi 2:9

Anyin a wale Khong ame ti ogânâ e goranyai, me ham kâu ien ae beönua hon ta je ien hia thithö;

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso:

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

Hna Omanenâ 19:12

Haba li emakan, me bâhlân meic, ke se hia je korona hon ban; ke hu ien adre set wale ae ca khana hnen at, ke ka hake e thibi.

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.