Ioane 17:1 - Iaai Bible 1901 (New Caledonia)

¹ IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Ioane 17:1 ပူးပေါင်းရင်းမြစ်များ

Salamo 123:1

INYA oge me bwele goranyai köu, At ame laba hnyi drany.

Isaia 38:14

Inya oge me fufuc helâ me wahalep me âiâ, Inya oge me tenge helâ me biny; e hanenak ut li emakök anyin bwela göranyai; Iehova lö, iny vec, u na he ju ka sing nya.

Mareko 14:41

Ke e ame okun o hmetu, ke haingen ködrin, ka habe, Mokut ju öbun walang ke menâ: soju ang; a o thö awa; wâ bi, adre hia but alecuâ Nokon at ka hnyi je hnyamen tavat ae kong.

Luka 18:13

Ke haba telona ame tot sâkâû, e ame ca mē bwele bi hnyi drany ai, ke e ame khaû ûlainy me ha, ka habe, Khong lö, betenge ju gak at ae monu,

Luka 22:53

Oge tha e möbun hnyi je bong hnyi uma kap, ke öbun e ca hinöbeny könya: ke ûöbun eang, me man maniny lit minya.

Ioane 11:4

A long ut; Iesu, me e ame ba, ka habe, Ame ca he ka mekiny mok ang, ke so bi hnân ogânâ Khong, mʼ adre me he minya ka ogânâ Nokon Khong hnen e.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 12:23

Ke haba Iesu ame thu ködrin, ka habe, A o but awa he ka ogânâ Nokon at.

Ioane 13:1

A TIGA ca bijeûâ paseka, ke a wâ Iesu a ga o but ûen he ka he but ka Kamen ûheny ang hmeledrany, ke a hia but hnyokâ lahanen eang hmeledrany, me e ame hnyoki ödra ke ne o but obiny.

Ioane 16:32

Wâ bi, e hakekeny jut ûen, ke e but ang, mʼ adre me he ka ovesei öbun ka hnyi je hnyababun, ka hake inya thiju: ke ca hake inya bi, anyin a tha inya me Kamen.

Ioane 7:30

Me adre me elâm he ka kât e: ke ba ke at ame hinôbeny kâu, anyin ae tiga ca o bi ûen.

Ioane 7:39

Ke e ame ha ge Hanu, wale ame he tavat adre me labageju kâu he ka kap: anyin adre me tiga ca ham Hanu; anyin adre me tiga ca ogânö Iesu.

Ioane 8:20

E ame ha ta je hofuc e hnyi dok adre hip mone, e ame tiga ûne hnyi uma kap: ke ba at ame kât e; anyin ae tiga ca o bi ûen.

Ta je huliwa 3:13

Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e.

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.