Ioane 16:7 - Iaai Bible 1901 (New Caledonia)

⁷ Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ioane 16:7 ပူးပေါင်းရင်းမြစ်များ

Salamo 68:18

U je hia but ölö ka hnyi dok ae gorany, u je hia but hom bâ ânyâm je bâ; U je hia but hom je bwihlany hnyi wanben tavat. Eke, hnyi wanben tavat ûkhin fuc, me me he Iehova a Khong ka laba unyidra.

Luka 24:49

Ke wâ bi, inya oge me he ka kunâ köbun hna ha bânâ ga Cica: ke so öbun e he ka mē laba hnyi taun ke ne o but öbun e he ka hu man ûnyi ethö.

Luka 4:25

Ke e hnathu inya oge me ha köbun, ka habe, E se hia ta je safac hnyi hnyei Isaraela hnyi je bong bongu Elia, waleji hnyi ûen adre me hlöng drany hnyi kun ta huna ke siks ta tehi, ke ame o hmiâ hnyi hnyei hia;

Luka 9:27

Ke e hnathu inya oge me ha köbun, haba keihen adre me tot ang, adre me ca he ka mē mok ke ne o but adre me wâ thö dokhu dokhon Khong.

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 14:28

Öbun e hia but long hnok hna ha köbun, ka habe, Oge me, he but, ke oge me he ka hmetu köbun. Öbun e ne hnyok könya, öbun e he ka senyin anyin oge me he ka Kamen: anyin ae gan hmâ Kamen huk.

Ioane 14:3

Ke oge ne he but ka ânyâwia ke dok hobi köbun, oge me he ka o hmetu, me oge me he ka köp öbun könya; me haba dok oge me laba hnyin, mʼ öbun e he ka laba hnyin minya.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 16:8

Ke haba e, e ka o but, e ame he ka ohmâkâ hmeledrany ge hwakecin ae kong, me hwakecin ae wisa, me hna owisa:

Ioane 7:39

Ke e ame ha ge Hanu, wale ame he tavat adre me labageju kâu he ka kap: anyin adre me tiga ca ham Hanu; anyin adre me tiga ca ogânö Iesu.

Ta je huliwa 10:34

Haba Peteru ame ba hofuc, ka habe, E hnathu oge me wâ ûnykûme a haba Khong ame ca wâhmakhmeto tavat:

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;