Ioane 16:32 - Iaai Bible 1901 (New Caledonia)

³² Wâ bi, e hakekeny jut ûen, ke e but ang, mʼ adre me he ka ovesei öbun ka hnyi je hnyababun, ka hake inya thiju: ke ca hake inya bi, anyin a tha inya me Kamen.

Ioane 16:32 ပူးပေါင်းရင်းမြစ်များ

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 26:31

Haba Iesu ame ha ködrin, ka habe, Öbun e he hia ka thö thö can inya hnyi lit ang: anyin adre hia but sihnalimen, ka habe, Oge me he ka kot at ame tuö mamoe, me ame he ka vese but ta je mamoe.

Mataio 26:56

Ke adre me ânyâ hia e me me hwâdâ hna sihnalimen ge ta je perofeta. Ke haba laten, me ödrin e hna but e me kec.

Mareko 14:27

Ke haba Iesu ame ha ködrin, ka habe, Öbun e he bi hia ka thö thö: anyin adre bia but sihnalimen, ka habe, Oge me he ka kot at ame tuö je mamoe, me ame he ka vese but ta je mamoe.

Mareko 14:50

Ke ödrin hia ödrin e hna but e me kec ut.

Ioane 12:23

Ke haba Iesu ame thu ködrin, ka habe, A o but awa he ka ogânâ Nokon at.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ioane 16:25

Oge hia but ha ta je hofuc e hnyi ûhöûcû: ke ame he ka o ûen oge me ca he hmetu ka fuc köbun hnyi ûhöûcû, ke oge me he ka ha manenâ köbun ge Kamen.

Ioane 16:31

Iesu ame thu ködrin, ka habe. Öbun e labageju but walang ang?

Ioane 19:27

Ke e ame ha minya ka aten, ka habe, Wâ bi, hinyâm! Ke hwân hnyi awa e, haba aten eling ame hom dö momo ka hnyi hnyaban.

Ioane 20:10

Haba li laten ödru me hmetu but ka hnyi hnyabadru.

Ioane 4:21

Iesu ame ha kâu, ka habe, Momo lö, labageju nya ju, a gʼ ame he ka o ûen öbun e ca he ka hmi ka Kamen hnyi bucen ang, ke ba minya bi hnyi Jerusalema.

Ioane 4:23

Ke ame he ka o ûen, ke wale but ang, a gʼ ame he ka he tavat adre me hmi hnathu ka hmi ka Kamen hnyi hanu me hnathu: anyin a Kamen ame elâm tavat helâe he ka hmi kâu.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Ioane 5:28

Ca lâiâ bi e, anyin ame he jem ûen a gʼ ame he tavat hnyi ta je erkemok ka long ifucin,

Ioane 8:16

Ke so bi oge ne ha ûnykûme, e hnathu hnok hna ûnykûme; anyin a ca hake inya ke, ke tha inya me Kamök at a kunö nya.

Ioane 8:29

Ke tha e mönya at a kunö nya: e ame ca hnö nya but; anyin a inya oge me ânyâ bala ta je ûnyi hnân osenyinâ e.

Ta je huliwa 21:6

me ûhûne; ke ohmun e ölö thö hon hu ai, ke ödra adre me hmetu ka hnyi ta je hnyabadra.

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.