Ioane 16:24 - Iaai Bible 1901 (New Caledonia)

²⁴ E tiga ba ûnyi öbun e hnyi sumâtâ hnyi iök: sumâtâ thö, mʼ öbun e he ka kap bi, me me bekhöt ut anyibun senyin.

Ioane 16:24 ပူးပေါင်းရင်းမြစ်များ

Genese 32:9

Ke Jekob ame ha, ka habe, Khongon kibik Aberahama lö, me Khongu cica Isaaka, Iehova lö, at ame ha könya, ka habe, He hmetu thö ka hnyi hnyei iny je lahanâm, mʼ oge me he ka ânyâ so köu:

I. Je Than 18:36

Ke haba hnyi ûen hudo hudiny sahac, haba Elia perofeta ame hakekeny me ha, ka habe, Iehova lö, Khongu Aberahama, me Isaaka, me Isaraela, omanenâ thö hnyi bong ang a u Khongu Isaraela, me inya ang athnyabaem, me oge hia but ânyâ ta je ûnyi hia thithö ang ûnyi hnyi hofuc a hwâm.

II. Je Than 19:15

Ke haba Hezekia ame hic hnyi hnyimakö Iehova, me ha, ka habe, Iehova lö, Khongu Isaraela, at ame laba hnyi wanben li kerubi, u thibi Khong hnyi ta je dökhu hia eang hmeledrany; u je op drany me hmeledrany.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Ioane 14:1

CA hlohlo je hnyekubun: öbun e labageju ka Khong, labageju minya ju könya.

Ioane 14:14

Öbun e ne he ka sumâtâ ke ûnyi hnyi iök, oge me he bi nya ka ânyâ.

Ioane 15:11

Oge hia but ha köbun ta je ûnyi e, me me eû hnyi je hnyekubun anyik senyin, me me bekhöt dö anyibun senyin.

Ioane 16:23

Ke ba ûnyi öbun e he ka hnö gak hnyi bong eling. E hnathu, e hnathu, inya oge me ha köbun. Haba ta je ûnyi hia öbun e he ka sumâtâ ge Kamen, me e ame he ka ham köbun ûnyi hnyi iök.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

II. Thesalonika. 1:2

E so e unyibun ibetengiö baû me hnahic ûnyi ge Khong a Kamen me Than Iesu Keriso.

II. Ioane 1:12

E hu but gak ta je hofuc ae se hia he ka sihnalimen köbun, ke ca bewek he ka set hnyi peipa me köiö sisit, ke so bi oge me gejon he ka o but köbun, me ûhnenamö iohnyimak, me me hwâdâ anyibun senyin.