Ioane 16:22 - Iaai Bible 1901 (New Caledonia)

²² E hu gabun walang ang hlöuhlöu: ke oge me he hmetu ka iouny mʼ öbun, me ame he je hnyekubun ka senyin, ke ba at ame he ka ohia anyibun senyin.

Ioane 16:22 ပူးပေါင်းရင်းမြစ်များ

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Salamo 146:2

Oge me he ka oganö Iehova inye tiga möt. Oge me he ka khumöng oganâ Khonguk e me tiga inya ang.

Salamo 33:21

Ame he je hnyekuta ka senyin kâu, Anyin a otin e labageju ka ien ae kap.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Mataio 28:8

Me ödrin e ie he logot ûhedrin hnyi erkemok me ot me senyin ae gan hmâ, me wadring he ka thumeto laten.

Luka 10:42

khaca thibi ûnyi ae ûnyi hnathu: ke haba Maria ame hia but ûca ke keihen ae so, wale a gʼ adre me ca he ka hom hmetu gan.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 19:26

Haba inya oge me ha köbun; Adre me he ka ham ka at ae hu gan; ke adre me he ka hûgûnâ ge at ae ba gan, ûnyi e ame hu.

Luka 24:41

Ke ödrin e tiga ca kap bi, anyin a ödrin e senyin me lâiâ, me e ame ha ködrin, ka habe, E hu ö ʼbun jeû eang?

Ioane 14:1

CA hlohlo je hnyekubun: öbun e labageju ka Khong, labageju minya ju könya.

Ioane 14:19

E okhulit biju ûen me ame ca he hmeledrany ka ö nya; ke öbun e he ka ö nya: anyin a oge me möt, me öbun e he minya ka möt.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:16

E me okhaca, me öbun e ca he hmetu ka ö nya; ke me okhaca hmetu, me öbun e he ka ö nya.

Ioane 16:20

E hnathu, e hnathu, inya oge me ha köbun, ka habe, öbun e he ka tenge me tenge thungaû, kʼ ame he hmeledrany ka senyin: öbun e he ka hlöuhlöu, kʼ adre me he ka wia anyibun hlöuhlöu me me senyin bi.

Ioane 16:6

Ke unöngötö je hnyekubun ge hlöuhlöu hnyi hnok hna ha ta je ûnyi e köbun.

Ioane 21:7

Haba aten waleji ame hnyok kâu Iesu, ame ha kö Peteru, ka habe, Than e. Ke a long ut Simona Peteru a Than e, me e ame khavâ anyin ûkot (anyin a ga uny), me e ame utut hnyiköiö ai.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ta je huliwa 13:52

Ke a unöngötö laten ge senyin me Hanu Kap.

Ta je huliwa 16:25

Ke hnyi wanbenset haba Paulo me Sila ödru me hic me khumöng ka Khong, kʼ ame ling ödru hnen tavat wale adre me cʼ ödrin minya;

Ta je huliwa 2:46

Ke adre me laba bala me hnyok a khaca hnyin uma kap hnyi je bong, me susubâ areto hnyi ke uma me ke uma, me an ö ʼdra jeû me senyin me hnyok a khaca,

Ta je huliwa 5:41

Me ödrin e he but ûhedrin hnyi hnyimakan tavat ûhnenamö, me senyin anyin adre me hna ködrin he ka kong can Ien.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

Heberu 10:34

Anyin a öbun e vec betenge ka tavat adre me ca, ke öbun e hokhnyok senyinâ hnödra hna söh anyibun ta je ûnyi, ke khanʼ öbun a gʼ ame hu gabun tang omjeû ae ûnyi hnathu, kʼ ame tethmâ bi.

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang: