Ioane 16:2 - Iaai Bible 1901 (New Caledonia)

² Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ioane 16:2 ပူးပေါင်းရင်းမြစ်များ

Isaia 65:5

tavat adre me ha, ka habe, Tot ut hââng, ca hakekenyi nya anyin a iny kap hom: wale hai hnyi li hnyingöik, ke meic ame hiâ hnyi je bong hia.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Daniela 11:33

Ke haba tavat ae metâ unyin tavat, adre me he ka nâ tavat ae se hia: ke so bi adre me he ka ta ge hele vat, me meic, me hwenbâ me soh, hnyi je bong ae se hia.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 24:9

Me adre me he ka hnʼ öbun dut ka tavat ûöveci, ke adre me he ka hlingʼ öbun: ke adre me he ka huköti öbun ta je hnyei hia thithö can iök.

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Ioane 12:42

Ke so bi e se hia ta je taben adre me labageju kâu; kʼ adre me ca ha manenâ bi, can ta je Faresaio, wâ adre nye obʼ ödra but ûnyi hnyi sunago:

Ioane 16:25

Oge hia but ha ta je hofuc e hnyi ûhöûcû: ke ame he ka o ûen oge me ca he hmetu ka fuc köbun hnyi ûhöûcû, ke oge me he ka ha manenâ köbun ge Kamen.

Ioane 16:32

Wâ bi, e hakekeny jut ûen, ke e but ang, mʼ adre me he ka ovesei öbun ka hnyi je hnyababun, ka hake inya thiju: ke ca hake inya bi, anyin a tha inya me Kamen.

Ioane 4:21

Iesu ame ha kâu, ka habe, Momo lö, labageju nya ju, a gʼ ame he ka o ûen öbun e ca he ka hmi ka Kamen hnyi bucen ang, ke ba minya bi hnyi Jerusalema.

Ioane 4:23

Ke ame he ka o ûen, ke wale but ang, a gʼ ame he ka he tavat adre me hmi hnathu ka hmi ka Kamen hnyi hanu me hnathu: anyin a Kamen ame elâm tavat helâe he ka hmi kâu.

Ioane 9:22

Ame ha kamen me hinyen helâe anyin a ödru outen at Juda; anyin ame ûhaköuâ at Juda he ka obâ ûnyi hnyi sunago at ame he ka ha, ka habe, E Keriso.

Ioane 9:34

Ödra adre me thu kâu, ka habe, Adre me hnöku u hnyi hulö ae gan, ke u me he bi ka nʼ ohmun? me adre me obâ but e.

Ta je huliwa 5:33

Adre hia but long e, me adre me hmönyidra gan hmâ, me behlingʼ ödrin.

Ta je huliwa 7:56

me haingen, ka habe, Wâ bi, inya oge me wâ drany adre khong, me Nokon at ame tot hnyi ke keihen a metân Khong.

I. Korinito 4:13

adre me haikongu ohmun, ke ohmun e khöû: adre me oûcû ohmun me ta je ûnyi ae ikiki hnyi hmeledrany, me tiren ta je ûnyi hia ke ne o but hnyi bong ang.

Filipi 3:6

ke at ovecâ ekalesia hoton wek ae hwege; ke ba kongik hoton hwakecin ae wisa hnyi hnanyibu.

Hna Omanenâ 6:9

Ke a hia but khong hna ohmâ haten a thabûnginy, me oge me wâ hnyi hmelen taben hut je hanon tavat adre hlingâ can hofuc hwan Khong, me can hnödra hna ohnatho:

Owisa 6:30

Ke haingen aten taun kö Joasa, ka habe, Hom but nokom mʼ adre me hlingâ: anyin a e ame kia taben hut kö Baala, me sö degecâ Aseira walethö hon.