Ioane 16:19 - Iaai Bible 1901 (New Caledonia)

¹⁹ A wâ but Iesu a ödrin e behnö e, me e ame ha ködrin, ka habe, Hawa, öbun e ûhnököuâ hnok hna ha köbun, Me okhaca, me öbun e ca he hmetu ka ō nya, ke, me okhaca hmetu me öbun e he ka ö nya?

Ioane 16:19 ပူးပေါင်းရင်းမြစ်များ

Mataio 6:8

Anyin a wale, ca he öbun ka helâ mödra: anyin ae khana bi Kamöbun ta je ûnyi öbun e weny hnyi ûen a öbun tiga ca sumâtâ kâu.

Mataio 9:4

Ke haba Iesu ame wâhmakhmeto je ûnykûmenödrin me e ame ha, ka habe, Ieû gabun öbun e ûnykûme mono eû hnyi je hnyekubun?

Mareko 9:32

Ke ödrin e ca wâhmakhmeto bi hofuc eling, ke ödrin e ot minya he ka hnö e.

Ioane 13:33

Lakuk lö, e ca beû biju ûök unyibun. Öbun e he ka elöm nya: ke haba hnok hna ha ka at Juda, me oge me ha minya walang ang köbun, ka habe, E ca khanʼ öbun he ka he ka hnyi dok oge me he ka hnyin.

Ioane 14:19

E okhulit biju ûen me ame ca he hmeledrany ka ö nya; ke öbun e he ka ö nya: anyin a oge me möt, me öbun e he minya ka möt.

Ioane 16:16

E me okhaca, me öbun e ca he hmetu ka ö nya; ke me okhaca hmetu, me öbun e he ka ö nya.

Ioane 16:18

Me adre me ha, ka habe, Ieû ang a hnen hna ha, ka habe, Me okhaca? E ca khanʼ otin hnen hna ha.

Ioane 16:23

Ke ba ûnyi öbun e he ka hnö gak hnyi bong eling. E hnathu, e hnathu, inya oge me ha köbun. Haba ta je ûnyi hia öbun e he ka sumâtâ ge Kamen, me e ame he ka ham köbun ûnyi hnyi iök.

Ioane 16:26

Hnyi bong eling öbun e he ka sumat hnyi iök: ke oge me ca ha köbun a oge me he ka hic ka Kamen hnân hobi köbun;

Ioane 16:30

E khanʼ ohmun dut walang ang a u me wâ ta je ûnyi hia, ke ca ûnyi hnathu e ka he ke at ka hnei u: anyin a wale ohmun e ûnykûme a u me o unyi ge Khong.

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ioane 6:61

Ke a wâ but Iesu eû hnyi hnyekon hnen laten hna ulidro ge ûnyi eling, me e ame ha kodra, ka habe, Hawa hnân jönibun hofuc e?

Ioane 7:33

Haba Iesu ame ha, ka habe, E ca beû biju ûök a ûlabaik eang unyibun, ke oge me he ka he but ka at a kunö nya.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.