Ioane 16:17 - Iaai Bible 1901 (New Caledonia)

¹⁷ Me ame ûhaköuâ keihen laten, ka habe, Ieû ang ge hnen hna ha kötin, ka habe, Me okhaca, me öbun e ca he but ka ö nya; ke me okhaca hmetu, me öbun e he ka ö nya: me, Anyin a inya oge me he but ka Kamen?

Ioane 16:17 ပူးပေါင်းရင်းမြစ်များ

Mareko 9:10

Me ödrin e kât hmâ hofuc e, me ûhnenamököuâ ka habe, Ieû bongon möt hmetu ûheny hnyi hna mok.

Mareko 9:32

Ke ödrin e ca wâhmakhmeto bi hofuc eling, ke ödrin e ot minya he ka hnö e.

Luka 18:34

Ke ödrin e ca wâ ûnykûme bi ta je ûnyi eling; e iyong ködrin hofuc e, kʼ ödrin e ca wâhmakhmeto bi ta je ûnyi e ame ha.

Luka 9:45

Ke ödrin e ca wâûnykûme bi hofuc eling, ke adre oiyongâ ködrin, wale me me ca khanʼ ödrin: ke ödrin ot he ka hnö e ge hofuc eling.

Ioane 12:16

Ame ca wâhmakhmetoâ laten ta je hofuc eling ûnyi hnyi can: ke adre hia but oganö Iesu, me ödrin e ûnykûme a gʼ adre hia but sihnalimen ta je ûnyi e gan, ke adre me ânyâ ta je ûnyi e kâu.

Ioane 14:22

Me ame ha kâu Juda (ca Isakariota) ka habe, Than lö, Ama kâmâu a u me he ka omanenö u köhmun bi ke ca ka hnyi hmeledrany minya?

Ioane 14:5

Haingö Toma, kâu, ka habe, Taböny Than, e ca khanʼ ohmun dok u me he ka hnyin; ke ohmun a kâmâu ka khânʼ ohmun deny?

Ioane 16:1

OGE hia but ha ta je hofuc e köbun, mʼ adre me ca he ka ohaûʼ öbun.

Ioane 16:16

E me okhaca, me öbun e ca he hmetu ka ö nya; ke me okhaca hmetu, me öbun e he ka ö nya.

Ioane 16:18

Me adre me ha, ka habe, Ieû ang a hnen hna ha, ka habe, Me okhaca? E ca khanʼ otin hnen hna ha.

Ioane 16:19

A wâ but Iesu a ödrin e behnö e, me e ame ha ködrin, ka habe, Hawa, öbun e ûhnököuâ hnok hna ha köbun, Me okhaca, me öbun e ca he hmetu ka ō nya, ke, me okhaca hmetu me öbun e he ka ö nya?

Ioane 16:5

Ke walang ang inya oge me he but kâu at a kunö nya; ke ba ke at gabun a hnei nya, ka habe, U me he kâ?