Ioane 16:13 - Iaai Bible 1901 (New Caledonia)

¹³ Ke so bi e ka o but e, wale Hanon hnathu, me e ame he ka su öbun ka hnyi ta je hnathu hia: anyin a e ame ca he ka ha ûnyi gan bi; ke e ame he ka ha ta je ûnyi e ame long: ke e ame he ka omanenâ köbun ta je ûnyi ame he ka o.

Ioane 16:13 ပူးပေါင်းရင်းမြစ်များ

Isaia 11:2

ke ame he hanu Iehova he ka laba hon, a hanuiny metâ me wâhmakhmeto, hanuiny omanenâ bongon, hanuiny man, hanuiny wâ ûnykûme me outö Iehova;

Joela 2:28

Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:

Ioane 12:49

Anyin a inya oge me ca fuc a ka ûnyi gak; ke haba Kamen, wale at a kunö nya, me e ame hna könya hnanyibu a hanymök he ka ha, me ûnyi minya oge me he ka ûnö.

Ioane 14:17

wale Hanu ûnyi gan hnathu: ae ca khana bi hmeledrany he ka kap e; anyin adre me ca wâ e, kʼ adre me ca wâhmakhmetoâ e: ke öbun e wâkmakhmetoâ e; anyin a e ame laba unyibun, kʼ ame he ka laba eû hnyi je hnyekubun.

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 16:12

E hu bala gak ta je hofuc ae se hia he ka ha köbun, ke ca khanʼ öbun he ka kap walang ang.

Ioane 3:32

Ke e ame ohnathoâ ûnyi e ame wâ me long; ke ba at ame kap hnen hna ohnathoâ.

Ioane 8:38

Inya oge me ha ta je ûnyi oge me hia but wâ unyin Kamök: ke öbun e mâdrâ minya öbun hnobun hna wâ unyin kamöbun.

Ta je huliwa 11:28

Ke ame todrö ke at gadrin, Agabo ien, me omanenâ ge Hanu a gʼ ame he ka hu hmiâ ae gan hmâ hnyi hmeledrany hia: wale a hwâdâ thö hnyi ûö Kalaudio.

Ta je huliwa 20:23

ke so bi ame omanenâ könya Hanu Kap hnyi ta je taun hia, ka habe, ame halubahingʼ nya je hna cö nya me ta je vec bi.

Ta je huliwa 27:24

ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu.

II. Thesalonika. 2:12

mʼ adre me he ka bi hwaban kodra hia thithö, tavat adre me ca hnyi kap hnathu, ke adre me senyin bala bi ka hnyi hwakecin ae ca wisa.

II. Thesalonika. 2:3

ca he ke at ka iyâwʼ öbun bi ge ke ûnyi: anyin ame ca he ka o bong eling, e ka ca bân ka o kolu but a tavat, me adre me he ka omanenâ but aten hulo, wale aten hnaûhango,

Heberu 1:1

HABA Khong, at ame ha adrem ka lakamöta a deny ta je perofeta hnyi je hofuc ae ve bongon, ke je deny ae ve bongon,

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

I. Ioane 4:6

Öhmun tavat ûnyi ge Khong: ke ame ling öhmun hnen at ame wâhmakhmeto Khong; ke ame ca ling öhmun hnen at a ca ûnyi ge Khong. Hnen ûnyi e ate me wâhmakhmeto hanu ae hnathu, me hanu ae monu.

I. Ioane 5:6

E thibi at eji ame o hnyi köiö me dra, Iesu Keriso; ca hake hnyi köiö, ke köiö me dra.

Hna Omanenâ 1:1

WALANG hna omanenâ anyi Iesu Keriso, waleji hnen Khong hna ham kâu he ka omanenâ ka lathnyabainy, wale ta je ûnyi ame he ka ie o: ke e ame kunâ me omanenâ e deny anyin angela ka athnyabainy a Ioane;

Hna Omanenâ 1:19

Anyin a wale sihnalimen ju ta je ûnyi eji u me wâ, me ta je ûnyi walang ang, me ta je ûnyi ame he ka o nyiele;