Ioane 16:11 - Iaai Bible 1901 (New Caledonia)

¹¹ ge hna owisa anyin adre hia but owisa tuhan eang hmeledrany.

Ioane 16:11 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Salamo 68:18

U je hia but ölö ka hnyi dok ae gorany, u je hia but hom bâ ânyâm je bâ; U je hia but hom je bwihlany hnyi wanben tavat. Eke, hnyi wanben tavat ûkhin fuc, me me he Iehova a Khong ka laba unyidra.

Mataio 12:18

Wâ bi, athnyabaik oge me ûca; A oûnykumik, wale ame senyin kâu hanuk: Oge me he ka ip Hanuk hon, Ke e ame he ka omanenâ wisa ka Aten ta je hnyei.

Mataio 12:36

Ke inya oge me ha köbun, a haba ta je hofuc baû hia ame ha hnen at, me adre me he ka ha hmetu hnyi bong owisa.

Luka 10:18

E ame ha ködrin, ka habe, Oge me ö Satana ame utut ûheny hnyi drany helâ me hucuce.

Ioane 12:31

Adre me he walang ang ka owisa hmeledrany: ke adre me he walang ang ka obâ tuhan hmeledrany ang.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 16:12

E hu bala gak ta je hofuc ae se hia he ka ha köbun, ke ca khanʼ öbun he ka kap walang ang.

Ta je huliwa 10:42

Ke e ame hûna kohmun he ka khetâ ka tavat, me ohnathoâ a e at a ûca Khong hnân hnö tavat ae möt me tavat ae mok.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 16:20

Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

Roma 2:16

hnyi bong ame he Khong ka hnö ta je ûnyi ae iyong anyin tavat, ga Iesu Keriso, hoton anyik ûthumetu ae so.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Kolose 2:15

ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

Heberu 6:2

ke bongon bapataiso, ke hna ip hnyam, me möt hmetu ûnyi hnyi hna mok, me hna owisa nyiele balua.

Heberu 9:27

Adre me ip ka tavat he ka okhaca mok, ke hwaban e ûhnei;

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.