Ioane 15:7 - Iaai Bible 1901 (New Caledonia)

⁷ Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ioane 15:7 ပူးပေါင်းရင်းမြစ်များ

I. Je Than 3:5

Ke Iehova ame manen kö Solomona hnyi Gibeona hnyi bwi hnyi hnyinghet: ke ame ha Khong, ka habe, Sumâtâ thö ûnyi oge me he ka ham köu.

Jobu 22:26

Ke u me he ka senyin ka Ataekhanahia, Me bwele goranyai ka Khong.

Jobu 23:12

Oge ca hia but saûâ degecâ hnanyibu ûnyi hnyi li esongodiny; Oge hia but oûnyihnatho hofuc a hwan, hon ök jeû.

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Salamo 37:4

Senyin dö minya kö Iehova; Me e ame he ka ham köu je hna sumâtâ hnen hnyekom.

Ta je Vejec 10:24

Haba hna outen hnen at ae kong, me ame he ka aat kâu: Ke ame he ka ham weny at ae wisa.

Ta je Vejec 4:4

Ke e ame nö nya, me ha könya, ka habe, Kât ju hok ta je hofuc ge hnyekom; Tuö ju anyik ta je hnanyibu me u me mot:

Isaia 58:8

Me ame he ka o melamâm helâ me haolany, ke u me he ka ie so; ke ame he ka he hwakecâm ae wisa hnyi hnyimâkâm; ke ame he hmanenangi Iehova ka he hnyi hotom.

Jeremia 15:16

Adre me wâ hwâm je hofuc, me oge me an e; ke hnân senyin me hnân hobâ hwâm je hofuc hnyi hnyekuk: anyin adre me hwenyi iök ge iâm, Iehova Khongon sabaoth.

Mataio 7:7

Sumâtâ thö, mʼ adre me he ka ham köbun; elâm dö, me öbun e he ka wâ thö; seseto thö, mʼ adre me he ka khong ut köbun:

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 16:23

Ke ba ûnyi öbun e he ka hnö gak hnyi bong eling. E hnathu, e hnathu, inya oge me ha köbun. Haba ta je ûnyi hia öbun e he ka sumâtâ ge Kamen, me e ame he ka ham köbun ûnyi hnyi iök.

Ioane 8:31

Haba Iesu ame ha ka at Juda, tavat adre me labageju kâu, ka habe, Öbun e ne he ka laba hmâ hnyi hok hofuc, me öbun je latök ae hnathu;

Ioane 8:37

E khanö nya a öbun je mâtrâni Aberahama; ke öbun bi öbun e elâm he ka hlingö nya, anyin ae ba hnen hok hofuc eû hnyi je hnyekubun.

Galatia 4:2

ke ame muso e hnen tavat ûne, me tavat tue, ke ne o but hnyi ûen a thu hnen kamen.

Galatia 5:16

Ke inya oge me ha, ka habe, E so öbun e he bala hnyi Hanu, me öbun e ca he ka ânyâ weny unyin.

Deuteronomi 6:6

Ke haba ta je hofuc eang oge me huna köu hnyi bong ang, me ame be ka e bi hnyi hnyekom:

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

I. Ioane 2:14

Oge hia but set köbun je kamen, anyin ae khanʼ öbun at, waleji ûnyi hnyi can. Oge hia but set köbun wahidröu, anyin a öbun hwege, kʼ ame tethmâ eû hnyibun hofuc hwan Khong, ke öbun e tubun hon at ae kong.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

I. Ioane 3:22

ke haba ûnyi ate me sumâtâ me ate me hu but gan, anyin ate me löng hoton anyin hnanyibu, me ânyâ ta je ûnyi ae so hnyi hnyimakan.

I. Ioane 5:14

Ke walang hnyok ae hwege ate me hu kâu, a öta ka he ka sumâtâ ke ûnyi helâ me weny, me ame ling öta: