Ioane 15:5 - Iaai Bible 1901 (New Caledonia)

⁵ Inya ang vine, öbun ta je vheiny: Haba at ame he ka laba eû hnyi hnyik, inya minya eû hnyi hnyin, wale at ame wa gan dut: anyin ae ca khanʼ öbun ka ânyâ ke ûnyi öbun e ne ûsâkâûö mönya.

Ioane 15:5 ပူးပေါင်းရင်းမြစ်များ

Ta je Vejec 11:30

Haba wan at ae wisa me ûöiny möt, Ke haba at ae metâ, me ame ohmehmela ta je hanu.

Hosea 4:8

Adre me ha Ö ʼdra bi ge hulo anyin lakeik, me behnyokâ hwakecidra ae kong.

Mataio 13:21

ke so bi e ba bi iwân eû hnyi hnyekon, kʼ ame ca kûeny tethmâ; ke ame ne o but hlöuhlöu, me ûöveci, can hofuc, me e ame ie thö thö.

Ioane 12:24

E hnathu, e hnathu, inya oge me ha köbun, A ne kolu ka hnyi kânâ ke wan hwit, ke ame ca bobot bi, ame he ka hake mokut; ke a ne bobot, ame he ka wa se hia.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 9:33

A ne ca ûnyi ge Khong at e, e ca khana he ka ânyâ ke ûnyi.

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

Roma 12:5

helâe minya öta, at se hia, khaca thibi unyin unyi Keriso, ke je ong outhunyin öta ke at ka ke at.

Roma 6:22

Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua.

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

I. Korinito 10:16

Haba utköiöiny ole otin e oleâ, hawa ca e bi hnyi hnötin hna tha hu hnyi dren Keriso? Haba areto otin e susubâ, hawa, ca e bi ate me tha hu hnyi unyin Keriso?

I. Korinito 12:12

Anyin a khaca thibi unyin, ke se hia bi ta je ong outhunyin, ke haba ta je outhunyin hia, me se hia, ke so bi khaca thibi unyin; helâe minya Keriso.

I. Korinito 12:27

Ke haba öbun a unyin Keriso öbun, ke ve je outhunyin bi.

II. Korinito 13:8

Anyin ae ca khanʼ öhmun he ka ânyâ ke ûnyi ûcon hnathu, ke so bi hobi kâu hnathu.

II. Korinito 9:10

Ke haba at ame ham hatong ka at ame tā, me jeû hnân han, me e ame he ka ham me osehia wan hnobun hna tā, me ogânâ minya wan hwakecibun ae wisa:

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 5:9

(anyin a haba wan melam, hwakecin ae so hia, ke hwakecin ae wisa me hnathu),

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Filipi 4:17

Ke oge me ca elâm bwihlany; ke oge me heleû wan bi, me me se hia but troban köbun.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Peteru 2:4

kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.