Ioane 15:4 - Iaai Bible 1901 (New Caledonia)

⁴ Laba ju öbun eû hnyi hnyik, ke inya minya eû hnyi hnyibun. E ca khana vheiny he ka wa thibut, a ne ca tot hnyi vine; ke helâe e ca khanʼ öbun, öbun e ne ca laba eû hnyi hnyik.

Ioane 15:4 ပူးပေါင်းရင်းမြစ်များ

Khumöng Hwanyi Solomona. 8:5

Ie at e, ame o ûheny hnyi hnyebuba, Ame he cimâ oûnykûminy? Oge ohmakö u hmelen okhöiö: Waleling a vec hnyin hnyekon hinyâm gam, Waleji e ame hnöku u, hnyi hnen hna vec hnyekon gam.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Mataio 12:33

Osoâ thö ûö me me so minya je wan; ke haba khaca, okongoâ ûö me me kong minya je wan: anyin adre me wâhmakhmetoâ ûö ge wan.

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Ioane 14:20

Öbun e he ka wâ hnyi bong eling a inya eû hnyi hnyi Cica, ke öbun eû hnyi hnyik, ke inya eû hnyi hnyibun.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ioane 6:56

Haba at ame he ka an unyik me ijem drök, me ame laba eû hnyi hnyik, ke inya bi eû hnyi hnyekon.

Ioane 8:31

Haba Iesu ame ha ka at Juda, tavat adre me labageju kâu, ka habe, Öbun e ne he ka laba hmâ hnyi hok hofuc, me öbun je latök ae hnathu;

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

II. Korinito 13:5

Elâm dö eû hnyibun, a ne hu labageju gabun; cubic öbun. Hawa, e et khanʼ öbun a Iesu Keriso eû hnyibun? öbun e ne ca monu bi.

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 2:6

Anyin a wale, he bala ju öbun unyin Keriso Iesu a Than, helâ me hnobun hna kap e,

I. Thesalonika 3:5

Can thibi e, ke ca khanö nya hmetu bi he ka hok hnyok, me oge ûkhûnöng he ka wâ anyibun labageju, wâ e nye cubic öbun hnen at ûcûbic, me ame he ka ûnyi baû but anyihmun huliwa.

Heberu 10:39

Ke haba öta, me ca lahanödra hnyat adre me hmetuhmetu ka hnyi hnaûhango; ke lahanödra bi hnyat adre me labageju ke ne o but hnyi melen hanu.

I. Ioane 2:6

haba at ame ha, ka habe, e ame laba eû hnyi hnyekon, me ûcû kâu he ka he helâ me ûheny.

II. Ioane 1:9

Haba at ame ûne kʼ ame ca tethmâ hnyi hna ûne anyin Keriso, me Khong ame ca laba unyin: ke haba at ame tethmâ hnyi hna ûne anyin Keriso, me hu but gan Kamen me Nokon minya.