Ioane 15:20 - Iaai Bible 1901 (New Caledonia)

²⁰ Ûnykûme ju hofuc oge me ha köbun, ka habe, E ca gan athnyaba hon tuhan. Adre ne hia but oveci nya, adre me he bi ka oveci öbun; ke adre ne hia but vheno hok hofuc, adre me he bi ka vheno hobun hofuc.

Ioane 15:20 ပူးပေါင်းရင်းမြစ်များ

Ezekiela 3:7

Ke so bi ame ca he lap anyi Isaraela he ka ling u; anyin adre me höcö ling nya: anyin a tavat hwege hnyimakan me khot hnyekudra hia lap anyi Isaraela.

Mataio 10:24

E ca beönua at adre nâ hon at ûne, ke ca beönua athnyabainy hon tuhan.

Mareko 10:39

Haingödru ödru me ha kâu, ka habe, Öhmu me he ka hwege. Haingö Iesu ködru, ka habe, Öbu me be ka hnyi ic hnyi utköiö oge me ijem, kʼ adre me he ka bapataisoi öbu ge hna bapataiso adre ma bapataisoi nya hnyin:

Luka 2:34

ke haba Simeona ame hahnahici ödru, me ha kö Maria a hinyen, ka habe, Wâ bi, adre me ip wanakat ang hnân okolo me otilâ tavat ae se hia hnyi Isaraela; ke hnân haten minya adre me he ka haikongoâ;

Luka 6:40

E ca beönua at adre nâ hon at ame ûne: ke ame he ka tha ûcû at adre ometâ me at ame ûne kâu.

Ioane 10:31

Haba at Juda adre me hok veto hmetu he ka lûâ e.

Ioane 11:57

Haba je taben tavat bihut me ta je Faresaio adre me otilâ hnanyibu, ka habe, A ne ke at ae khana dok ame laba hnyin, hamen he ka omanenâ mʼ adre me he ka kât e.

Ioane 13:16

E hnathu, e hnathu, inya oge me ha köbun, ka habe, E ca gan aten hon tuhan; ke ca gan minya at adre kunâ hon at a kunâ e.

Ioane 5:16

Wale mʼ adre me oveci Iesu ge at Juda, anyin a e ame ânyâ ta je ûnyi e hnyi bong sabath.

Ioane 7:32

A long ut ta je Faresaio hna iulidroköuâ ge tavat ta je ûnyi e gan; me haba je taben tavat bihut me ta je Faresaio, me adre me kunâ je taben tavat tue he ka kât e.

Ioane 8:51

E hnathu, e hnathu, inya oge me ha köbun, ka habe, a ne hu at ame he ka vheno hok hofuc, me e ame ca he ka wâ mok nyiele balua.

Ioane 8:52

Me ame ha kâu at Juda, ka habe, E khanʼ ohmun dut walang ang, a e unyâm demoni. A mokcu Aberahama, me ta je perofeta, ke u me ha, ka habe, A ne hu at ame he ka vheno hok hofuc, me e ame ca he ka wâ mok nyiele balua.

Ioane 8:59

Me adre me hom je veto he ka lûâ e: ke haba Iesu ame ka oiyongâ e bi, me didrut ûheny hnyi uma kap.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

I. Korinito 4:12

ke ohmun e labö huliwa, me ânyâ huliwa ge je hing hnyamöhmun: adre me û ohmun, ke ohmun e hahnahicâ; adre me sedʼ ohmun, ke ohmun e hokhnyok;

II. Korinito 4:9

adre me hnu öhmun, kʼ adre ca digic öhmun bi; adre me öū öhmun, ke ca hia öhmun dut;

I. Thesalonika 2:15

waleji a tavat adre me hlingâ Than Iesu, me ta je perofeta, me obʼ öhmun, kʼ adre me ca osenyinâ Khong, ke ödra je iwahnaihmiony me tavat hia thithö;

II. Timoteo 3:12

Eke, ke adre me he ka oveci ödra hia tavat adre me weny he ka laba me hwakecin ae ûcû me Khong unyin Keriso Iesu.

I. Samuela 8:7

Ke Iehova ame ha kö Samuela, ka habe, Long ju hofuc hwan tavat, wale adre me ha hia köu: anyin a ödrin e ca hna degeci u, ke ödrin e hna degeci nya bi, me inye ca thanidrin.