Ioane 15:16 - Iaai Bible 1901 (New Caledonia)

¹⁶ Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 15:16 ပူးပေါင်းရင်းမြစ်များ

Genese 18:18

anyin ame he Aberahama ka hnân hnyei ae gan me man, ke ame he ka hnahic ûnyi gan ta je hnyei hia eang hmelen?

Salamo 145:4

Ame he ke dö ka ogânâ ânyâm ta je huliwa ka ke dö, Me omanenâ hnâm ta je hna ânyâ ae man.

Salamo 71:18

Eke, Khong lö, ca he ka hnö nya hnyi anyik hingat me hûen; Mʼ inye mē he ka omanenâ tang hwegiâm ka ke dö, Ke manâm man ka tavat adre me he ka o.

Ta je Vejec 11:30

Haba wan at ae wisa me ûöiny möt, Ke haba at ae metâ, me ame ohmehmela ta je hanu.

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Mika 5:7

Ke ame he je kolon ga Jekob hnyi wanben je hnyei ae se hia, helâ me dân hau ûnyi ga Iehova, helâ me we ame khukhula hon hna önying; at ame ca bec ge at, ke ame ca halubahingen at.

Mataio 21:22

Ke haba ta je ûnyi hia thithö öbun e he ka sumâtâ hnyi hic, öbun ka labageju, me öbun e he ka hu.

Mataio 7:7

Sumâtâ thö, mʼ adre me he ka ham köbun; elâm dö, me öbun e he ka wâ thö; seseto thö, mʼ adre me he ka khong ut köbun:

Luka 6:13

Ke a lany jut, me e ame hawâ laten: ke e ame ûca hnyat a twelv gadrin, me e ame hwenyi iödrin je aposetolo;

Ioane 13:18

Oge me ca hai öbun hia: e khanö nya hnok je hna ûca: ke so bi me me hwâdâ hna sihnalimen, ka habe, Haba at ame an ök jeû me ame hûki nya ge ohmâiny can.

Ioane 15:19

Öbun e ne je lahanen hmeledrany, ame he hmeledrany ka betenge ka lahanen: ke anyin a öbun ca lahanen hmeledrany, ke oge me ûcʼ öbun ûnyi eang hmeledrany, waleling me me hûkötiʼ öbun hmeledrany.

Ioane 15:5

Inya ang vine, öbun ta je vheiny: Haba at ame he ka laba eû hnyi hnyik, inya minya eû hnyi hnyin, wale at ame wa gan dut: anyin ae ca khanʼ öbun ka ânyâ ke ûnyi öbun e ne ûsâkâûö mönya.

Ioane 6:70

Iesu ame thu ködrin, ka habe, Hawa, oge me ca ûcʼ öbun a twelv, ke diabolo ke at gabun?

Ta je huliwa 1:24

Me adre me hic me ha, ka habe, Taböny Than lö, u at ame wâhmakheto ta je hnyok hia thithö, omanenâ thö kohmun at u me he ka ûca ge li at ang,

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 10:41

ca ka tavat bia, ke ka tavat thibi adre ohnatho, waleji tavat a bân Khong ka ucʼ ödrin, a walʼ ohmun ang hnyat ohmun e tha han me tha ic mê hwaban hnen hna möt hmetu ûheny hnyi hna mok.

Ta je huliwa 22:14

Ke haingen ame ha, ka habe, Haba Khongon lakamöta a ûcö u me u me he ka wâhmakhmetoâ weny, me wâ At ae Wisa, me long hofuc ûnyi hnyi hnyimen.

Ta je huliwa 9:15

Haba Than ame ha kâu, ka habe, He thö, anyin adre ûca e hnân anyik utkaia he ka kap tilâ iök ka Aten ke je hnyei, me ta je than, me lakon Isaraela:

Roma 1:13

Hnyat me lakeiny lö, e wek e me hnyi khanʼ öbun, a iny osehia ûnykûme he ka he köbun, (ke hu hna ovheli nya ke ne o but walang ang), me me hu gak ke je wan ûnyi gabun, helâ me hnyi ke keihen Aten ta je hnyei.

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 15:4

Anyin a haba ta je ûnyi adre sihnalimen adrem, me adre me sihnalimen hnân nʼ öta, me me hu anyita geju hnen hokhnyok me kaukahwa ûnyi hnyi je hna sihnalimen.

Roma 9:21

Hawa ge at ame op kaia kânâ, e ame ca musi ka kânâ, he ka op utkaia ae so, ame ne utkaia ae kong bi?

I. Korinito 10:11

Ke ame o but ta je ûnyi hia thithö e kodra me hnân haten; ke adre sihnalimen hnân nʼ öta, wale a o köta obiny ta je dö.

Galatia 1:15

Ke a manen dut weny Khong, waleji at ame ûcö nya ûnyi hnyi hnyekon hinyök, me hawo nya ûnyi ge anyin ibetengiö baû,

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

I. Timoteo 2:7

kʼ adre me ûco nya he ka khetâ e, ke hnân aposetolo (inya oge me ha hnathu oge me ca thoi), ke inya at ûne ka Aten ta je hnyei ka hnyi labageju me hnathu.

II. Timoteo 1:11

ke adre me ûco nya hnân at khetâ e, me hnân aposetolo me at ûne.

II. Timoteo 2:2

Ke haba ta je ûnyi u je hia but löng ûnyi gak unyin tavat ohnatho ae se hia, ham but ka tavat ae hnathu, ae khanʼ ödra he ka ûne ka keihen minya.

Tito 1:5

Oge me hnö u hnyi Kerete can ang, a u me he bi ha oumo ta je huliwa adre me tiga ca ânyâ, me otilâ wahingat hnyi ta je taun, helâ me hnok hna hûna köu;

Heberu 11:4

Hnen labageju Abela ame hudo ka Khong hut ae nua hon hut anyi Kaina, me adre me ohnathoâ e hnen e a e wisa, ke Khong ame ohnathoâ ge anyin je bwihlany: a mok ut e, kʼ ame fuc bala bi hnen e.

Iakobo 3:18

Ke haba wan hwakecin ae wisa, me adre me tä hnyi ûsoköu hnen tavat adre me okûâ ûsoköu.

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;

I. Peteru 3:2

at ka wâ hwakecibun ae ba hnyikongon, me ot.

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.

I. Ioane 4:19

Ate me betenge, anyin a e ame bân ka betenge gata.