Ioane 15:11 - Iaai Bible 1901 (New Caledonia)

¹¹ Oge hia but ha köbun ta je ûnyi e, me me eû hnyi je hnyekubun anyik senyin, me me bekhöt dö anyibun senyin.

Ioane 15:11 ပူးပေါင်းရင်းမြစ်များ

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Luka 15:23

ke hom but jem nokon kau ae pipikhenya, me hlingâ but mate me han me senyin:

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 15:5

Ke ame wâ ju, me e ame ip hon abenyin, kʼ ame senyin bi.

Luka 15:9

Ke e ka wâ, me e ame hawâ ûkhacaköuâ lahanen, me tavat adre me laba hakekenyâ, me ha, ka habe, Tha senyin dö mönya anyin oge me wâ ju anyik mone a hia.

Ioane 16:24

E tiga ba ûnyi öbun e hnyi sumâtâ hnyi iök: sumâtâ thö, mʼ öbun e he ka kap bi, me me bekhöt ut anyibun senyin.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 17:13

Ke walang ang inya oge me he ka he but köu; ke inya oge me ha ta je ûnyi e eang hmeledrany, me me he ka hwâdâ anyik senyin eû hnyi je hnyekudrin.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

II. Korinito 1:24

Ca ha bi a öhmun e muso anyibun labageju, ke so bi öhmun je hnyat ûhadruo bi anyibun sēnyin, anyin a öbun e tethmâ hnen anyibun labageju.

Efeso 5:18

Ke ca monu bi Öbun ge waina wale ame okûâ hulo, ke so he ka ounöngöti öbun ge Hanu;

Filipi 1:25

Wale hnok hna labageju kâu, me khanö nya a oge me he ka laba, eke, me tha laba mʼ öbun hia, he ka bihanen ûne köbun me osenyini öbun hnyi labageju;

I. Thesalonika 5:16

Senyin bah thö;

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

I. Ioane 1:4

ke öhmun e sihnalimen ta je ûnyi ang, me me hwâdâ but anyita senyin.

II. Ioane 1:12

E hu but gak ta je hofuc ae se hia he ka sihnalimen köbun, ke ca bewek he ka set hnyi peipa me köiö sisit, ke so bi oge me gejon he ka o but köbun, me ûhnenamö iohnyimak, me me hwâdâ anyibun senyin.