Ioane 15:1 - Iaai Bible 1901 (New Caledonia)

¹ INYA eang vine ae hnathu, ke Kamök at ame belökâ.

Ioane 15:1 ပူးပေါင်းရင်းမြစ်များ

Khumöng Hwanyi Solomona. 7:12

Ötu me he ka vesâ ka hnyi je hnyei vine; Me wâ ame ne vhong vine, ke wa je ong vine, Ke vhong rimona: Oge me he ka betenge gam eling.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 12:10

Haba tavat tuö mamoe ae se hia, adre hia but ohia ik hnyei vine, adre hia but ututo jekhöûk, me wia jekhöûk ae kese hnân hnyebuba ae ba wan.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Ezekiela 19:10

Haba hinyâm me helâ me vine, hnyi drâm, at adre tā hnyi baten je köiö: e ame wa, ke se hia je anginy anyin ae se hia je köiö.

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Zakaria 3:8

Josua at bihut ae nua lö, long ju walang ang, u me lahanâm tavat adre me tot hnyi hnyimâkâm; anyin a ödra tavat me hnân haten: anyin a wâ bi, oge me he ka oâ athnyabaik wale Khûen.

Mataio 15:13

Ke e ame thu me ha, ka habe, Haba ta je ûö a ca tā bi hnen Kamök ethö hnyi drany, me adre me he ka oc dö me iwân.

Mataio 20:1

ANYIN ae ûcû dokhon drany me tuhan uma, at ame vesâkong he ka hawâ tavat huliwa ka hnyi anyin hna belökâ vine.

Mataio 21:33

Long ju ke ûhöûcû; Wale at tuhan uma ame belökö vine, me bi haginy igigilo, me hin thop hnân hlic vine, me otilâ tap ae beû goranyai, me hna ka tavat belök, me e ame he but ka hnyi ke hnyei bi.

Mareko 12:1

KE e ame hwân he ka fuc kodra a deny ta je ûhöûcû. Haba ke at ame ta hnyei vine, me the haginy igigilo, me hiny thop hnân hlec vine, me otilâ tap tue, me hna but ka tavat belök, me he but ka hnyi ke hnyei.

Luka 13:6

E ame ba ûhöûcû ang, ka habe, E hu ge ke at imeta a tā hnyi iny hnyei vine; ke e ame he but ka heleû wan hnyin, ke ba wan ame wâ.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 15:2

E ame hom but ta je vheiny gak ame ca wa: ke haba ta je vheiny ae wa, e ame ânyâwia, me me wa gan dut.

Ioane 6:32

Me haba Iesu ame ha ködra, ka habe, E hnathu, e hnathu inya oge me ha köbun, ka habe, A ca ham köbun areto ûnyi hnyi drany ga Mose; ke so bi Cica ame ham köbun hing areto ûnyi hnyi drany.

Ioane 6:55

Anyin a hing jeû unyik, ke hing möt hnathu drök.

Roma 11:17

Ke adre ne thu degecâ but ke je anginy, ke u elaioiny hnyot adre ûhûjâköuâ unyidra, ke u me tha hu mödrin iwân me dân elaio;

I. Korinito 3:9

Anyin a ohmun tavat tha huliwa tot me Khong: ke öbun hna belok iny Khong, ke uma a op Khong.

I. Ioane 2:8

Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.