Ioane 14:31 - Iaai Bible 1901 (New Caledonia)

³¹ ke ba anyin ûnyi ûnyi gak: ke so bi me me wâ thö hmeledrany a inya oge me hnyok ka Kamen, ke oge me mâdrâ helâ me hnen Kamen hna hûna könya. Todrö, otin e he thö eang.

Ioane 14:31 ပူးပေါင်းရင်းမြစ်များ

Salamo 40:8

Khonguk lö, oge me senyin he ka ânyâ wem; Eke, eû hnyi hnyekuk ânyâm hnanyibu.

Isaia 50:5

Haba Than Iehova ame khong li hnyikönyök, ke oge me ca ûkhin fuc, ke oge me ca he hmetu.

Mataio 26:39

Me e ame he ka hnyi dok ae hakekeny, me ta ju hnyikânâi, me hic, me ha, ka habe, Cica lö, a ne ca pason, ö u ohia but utk… eang gak: ke so bi e ca hamök, ke ka… mâm bi.

Mataio 26:46

Todrö, otin e he thö: wâ bi, wale but ang at ame he ka alecuo nya.

Luka 12:50

E ka hu bapataiso hobi könya a gʼ adre me he ka bapataisoi nya kâu; e pason anyik, vec ke ne o but ame hwâdâ thö e.

Ioane 10:18

E ba at ame hûgûnâ e gak, ke inya oge me ham ka ûnyi gak. E hu man gak he ka ham e, ke hu man minya gak he ka hom hmetu. Wale hnanyibu oge me kap ûnyi ga Cica.

Ioane 12:27

E hlohlo hnyekuk walang ang; ke ieû oge me he ka ha? Cica lö, bethe omeli nya hnyi ûen ang. Ke so bi can e oge me o but ka hnyi ûen ang.

Ioane 12:49

Anyin a inya oge me ca fuc a ka ûnyi gak; ke haba Kamen, wale at a kunö nya, me e ame hna könya hnanyibu a hanymök he ka ha, me ûnyi minya oge me he ka ûnö.

Ioane 13:1

A TIGA ca bijeûâ paseka, ke a wâ Iesu a ga o but ûen he ka he but ka Kamen ûheny ang hmeledrany, ke a hia but hnyokâ lahanen eang hmeledrany, me e ame hnyoki ödra ke ne o but obiny.

Ioane 15:9

Inya oge me hnyok köbun helâ me Kamen ame hnyok könya: tet hmâ ju öbun hnyi anyik ibetengiö.

Ioane 18:11

Haba Iesu ame ha kö Peteru, ka habe, Inâ hmetu ju hele vat ka hnyi umen: hawa, oge me ca he ka ijem kaia a ham könya Cica?

Ioane 4:34

Haingö Iesu ködrin, ka habe, Walang ok, a oge me he ka mâdrâ weny at a kunö nya, me umo anyik huliwa.

Filipi 2:8

ke adre wâ e helâ me bongon at, ke e ame ka ohnyikânâ e bi, me long hoton ke ne o but ka hnyi mok, eke, wale mok hon satauro.