Ioane 14:30 - Iaai Bible 1901 (New Caledonia)

³⁰ Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 14:30 ပူးပေါင်းရင်းမြစ်များ

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 22:53

Oge tha e möbun hnyi je bong hnyi uma kap, ke öbun e ca hinöbeny könya: ke ûöbun eang, me man maniny lit minya.

Ioane 12:31

Adre me he walang ang ka owisa hmeledrany: ke adre me he walang ang ka obâ tuhan hmeledrany ang.

Ta je huliwa 1:3

ke e ame ka omanenâ e ködrin ae möt, hwaban anyin mok kʼ ame osehia ohnathoâ me labö o ködrin hnyi fâte je bong, kʼ ame ha bongon dokhu dokhon Khong:

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 6:12

Anyin ate me ca ûsöu bi me at, ke ta je musi bi, me ta je man, me ta je tuhan hmeledrany eang ae menekholom, me ta je hanu ae kong hnyi ta je dok ethö hnyi drany.

Kolose 1:13

waleji at ame hûgûnʼ öta ûnyi hnyi maniny menekholom, me wiʼ öta ka hnyi dokhu dokhon Nokon a oûnykûminy;

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

I. Peteru 1:19

ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny:

I. Peteru 2:22

waleji a, at ame ca hnyi ânyâ hulo, ke ba minya thoi adre wâ hnyi hnyimen:

I. Ioane 4:4

Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.