Ioane 14:28 - Iaai Bible 1901 (New Caledonia)

²⁸ Öbun e hia but long hnok hna ha köbun, ka habe, Oge me, he but, ke oge me he ka hmetu köbun. Öbun e ne hnyok könya, öbun e he ka senyin anyin oge me he ka Kamen: anyin ae gan hmâ Kamen huk.

Ioane 14:28 ပူးပေါင်းရင်းမြစ်များ

Salamo 68:18

U je hia but ölö ka hnyi dok ae gorany, u je hia but hom bâ ânyâm je bâ; U je hia but hom je bwihlany hnyi wanben tavat. Eke, hnyi wanben tavat ûkhin fuc, me me he Iehova a Khong ka laba unyidra.

Salamo 68:9

Khong lö, u je ota we ae gan hmâ, U je hwegiâ hmeto jekhom e ka sënyin dut e.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Mataio 12:18

Wâ bi, athnyabaik oge me ûca; A oûnykumik, wale ame senyin kâu hanuk: Oge me he ka ip Hanuk hon, Ke e ame he ka omanenâ wisa ka Aten ta je hnyei.

Ioane 10:38

Ke o ge ne mâdrâ, eja ke ne öbun e ca köp nya, kap bi thʼ öbun ta je huliwa: mʼ öbun e he ka wâhmakhmeto me wâ ûnykûme a gʼ ame laba Kamen eû hnyik, ke inya eû hnyin Kamen.

Ioane 13:16

E hnathu, e hnathu, inya oge me ha köbun, ka habe, E ca gan aten hon tuhan; ke ca gan minya at adre kunâ hon at a kunâ e.

Ioane 14:12

E hnathu, e hnathu, inya oge me ha köbun, Haba at ame labageju könya, me e ame he ka ânyâ minya ta je huliwa oge mâdrâ; ke ame he ka ânyâ ta je huliwa ae gan hon e; anyin a inya oge me he ka Kamen.

Ioane 14:18

Oge me ca he ka hnʼ öbun helâ me je nakahme; ke oge me he ka o köbun.

Ioane 16:7

Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ioane 5:18

Waleling me ti hwege at Juda he ka heleû deny he ka hlingâ e, ca ûnyi thibi ge hnen hna hanyâûâ sabath, ke anyin minya bi e ame ha, ka habe, haba Khong, me hing Kamen, kʼ ame oûco e me Khong.

Ioane 7:33

Haba Iesu ame ha, ka habe, E ca beû biju ûök a ûlabaik eang unyibun, ke oge me he ka he but ka at a kunö nya.

I. Korinito 11:3

Ke wek e me khanʼ öbun a haba Keriso, me ban obaga hia; ke haba obaga, me ban omomo; ke haba Khong, me ban Keriso.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

Hna Omanenâ 1:11

Haba ta je ûnyi u je wâ, sihnalimen ju hnyi ke tusi, me kunâ ka ta je ekalesia: wale Efeso, me Semurina, me Peregamo, me Thuataira, me Saradi, me Filadelefia, me Laodikea.