Ioane 14:27 - Iaai Bible 1901 (New Caledonia)

²⁷ Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 14:27 ပူးပေါင်းရင်းမြစ်များ

II. Man Ûlabainy Je Than. 20:30

Ke ame laba wia dokhu Jehosafata: anyin a Khongon ame omenâ e ehele.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Salamo 11:1

INYA oge me labageju kö Iehova: Anyin a ieû öbun e ha ka hanuk, ka habe, Kec dö helâ me meno ame gâ ka hnyi anyibun bucen?

Salamo 112:7

E ame ca he ka outen te je ûthumetu ae kong: E mou but hnyekon, kʼ ame labageju kö Iehova.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 28:3

Ca tha lili nya me tavat ae kong, Me tavat adre me ânyâ hulo; Adre me ha je hofuc iny ûsoköu ka je liamewaeny mödra, Ke haba ûokonguny eû hnyi hnyidrin.

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Salamo 56:11

Ge Khong, oge hia but labageju, oge me ca he ka ot; Ie ûnyi ae khana at he ka ânyâ könya?

Salamo 56:3

Haba bong oge me ot hnyin, Me oge me he ka labageju köu.

Salamo 72:2

E ame he ka owisa lakem ge hwakecin ae wisa, Me latâm ae vec hoton wisa.

Salamo 72:7

Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

Salamo 85:10

A ûkhanö thö ibetengiö me hnathu; A ûcimhnyimak dö wisa me ûsoköu.

Salamo 91:5

U me ca he ka outen ûnyi adre me outen hnyi hnyinghet, Ke fana at ame gâ hnyi lany;

Ta je Vejec 3:25

Ca he bi ka outen ûnyi hnân ie outen, Me hna okongoâ anyin tavat ae kong e ka o but:

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 55:12

Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Je tenge anyi Jeremi 3:17

Ke u je hia but öûsâkâûö nya me hna hic; oge hnying ut senyin.

Ezekiela 2:6

Ke haba u, nokon at, ca ot bi gadra, ke ca outen hodra ta je hofuc, eja ke ne a ne tha e möu ûö ae ûdedö me watetaföcö, ke eja ke ne a ne tha laba möu ta je sekopio: ca outen bi hodra ta je hofuc, ke ca öbubuny ge je hnyimakodra, anyin a ödra lap ûkhin fuc.

Daniela 4:1

INYA Nebukaneza than, ame ha ka tavat hia, me je hnyei me je ve hwen hnyei bi, tavat adre me labâ hmeledrany hia, ka habe, E so ame osehiâ anyibun hnahic.

Daniela 6:25

Ke haba Dariu than ame sihnalimen ka tavat hiâ, ke ta je hnyei, ke je ve hwen hnyei, a tavat adre me labâ hmeledrany hia, ka habe, E so öbun e hnahic hmonyin.

Zakaria 6:13

ke e ame he ka op uma umo Iehova; ke e ame he ka vadren hmanenang, ke e ame he ka laba me musi hon anyin theron; ke e ame he ka at bihut hon anyin theron: ke ame he ka e bi hnyi wanbödru ûhnenamoiny ûsoköu.

Numera 6:26

Ame he Iehova ka ogöranyâ hnyimakan hom, me ham köu ûsoköu.

Mataio 10:26

Anyin a wale, ca ot bi gadra: anyin ae ba ûnyi adre me ikhâlâ ame ca he ka manen; ke ba minya ûnyi ae iyong adre me ca he ka wâ.

Luka 1:79

He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Luka 10:5

Ke haba uma öbun e he ka dit ka hnyin, mē ha thö, ka habe, E so e hnahic ut uma ang.

Luka 12:4

Ke inya oge me ha köbun lahanök, ka habe, Ca ot bi gadra adre me hlingâ unyin, ke ba minya hnödra hna khana he ka ânyâ.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Ioane 14:1

CA hlohlo je hnyekubun: öbun e labageju ka Khong, labageju minya ju könya.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 20:19

Hnyi sahacin bong eling, wale bong a bân hnyi seven, ke adre hlöng ut je hwanuma hnyi dok a laba hnyin laten, anyin a ödrin outen at Juda, me ame o thö Iesu me tot hnyi wanben, me ha ködrin, ka habe, Hnahic köbun.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ioane 20:26

Ke hwaban je bong a eit, e hmetu thö laten hnyin uma, ke Toma unyidrin. Adre hia but hlöng je hwanuma, me ame o Iesu me tot hnyi wanbödrin, me ha, ka habe, Hnahic köbun.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Ta je huliwa 18:9

Me ame ha Than kö Paulo hnyi hna omanenâ hnyi lit, ka habe, Ca ot bi, ke fuc dö, ca laba hnyibû bi:

Roma 1:7

e so e he ka ê unyibun betenge baû me hnahic ûnyi ge Khong a Kamöta me Than Iesu Keriso; ka tavat hia e Roma, je oûnykûmen Khong, me hna hawâ hnân tavat ae kap.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 8:6

Anyin a haba behnyok ka unyin, me, wale mok; ke haba behnyok ka hanu, me, wale möt, me hnahic:

I. Korinito 1:3

e so e e unyibun ibetengiö baû me hnahic ûnyi ge Khong a Kamöta me Than Iesu Keriso.

Galatia 1:3

E so e unyibun hia thithö ibetengiö bau me hnahic ûnyi ge Khong a Kamen, me Tuhöta Iesu Keriso,

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 6:16

Ke haba ödra hia adre me he hoton tulut eang, me so e unyidra me Isaraela anyin Khong hnahic me ibetengiö.

Filipi 4:7

Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.

Kolose 1:2

ohmu me set ka wakap me je hnyat me lakeiny adre me labageju unyin Keriso hnyi Kolose: E so e unyibun ibetengiö baû, me ûsoköu ûnyi ge Khong a Kamöta.

Kolose 1:20

me he ka öûsoköuâ ta je ûnyi hia thithö a deny e, e ka hia but öûsoköuâ ge dren anyin satauro; wale a deny thibi e, ame ne ta je ûnyi eang hmeledrany me ethö hnyi drany.

Kolose 3:15

Ke so ame he ûsoköu anyin Keriso ka muso je hnyekubun, waleji adre hawʼ öbun ka hnyin hnyi unyin a khaca: ke oleâ bala ju öbun.

II. Thesalonika. 1:2

E so e unyibun ibetengiö baû me hnahic ûnyi ge Khong a Kamen me Than Iesu Keriso.

II. Thesalonika. 3:16

Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.

II. Timoteo 1:7

Anyin a Khong ame ca ham köta hanon ot; ke so bi ae man, me betenge, me metâ.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 7:2

ke haba Aberahama ame ham kâu ke keihen a libenyitainy hia (haba bongon ien a bân adre wia, me, Thaniny hwakecin ae wisa, ke hwaban dö e, Thaniny Salema, walang bongon, Tuhan ûsoköu;

Hna Omanenâ 1:4

Inya Ioane oge me set ka ta je ekalesia a seven hnyi Asia: E so e unyibun ibetengiö bâu, me ûsoköu ûnyi gan, at a e walang ang, ke kâû adrem, ke ame he ka o; me ûnyi ge ta je Hanu a seven hnyi hnyimakan anyin theron;

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.