Ioane 14:26 - Iaai Bible 1901 (New Caledonia)

²⁶ Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 14:26 ပူးပေါင်းရင်းမြစ်များ

Salamo 51:11

Ca digic nya bi hnyi hnyimâkâm; Ke ca hom bi gak hanom ae kap.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Mataio 1:18

Ke walang hwakecin hna hnöku Iesu Keriso: Haba hnyi ûen ame ûkocö hinyen a Maria me Josefa, ke ödru tiga ca tha laba bi, me manen dut a ga erkin dut hnen Hanu Kap.

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mareko 12:36

Ke ame ha Davita ûnyi ge Hanu Kap, ka habe, Haingen Than ka Tuhok, ka habe, Laba ju hnyi ke keihök a metök, Ke ne o but oge me wia je iwahnaihmiony möu, me hnân taben li hnyeûcam.

Mareko 13:11

Ke ödra ka he ka lili öbun, me hnʼ öbun, ca he ka ie ûnykûme ûnyi hnân he ka ha: ke haba hofuc adre me he ka ham köbun hnyi ûen eling, ha thö: anyin a ca öbun ling tavat öbun e ha, ke Hanu Kap bi.

Luka 1:15

Anyin a e ame he ka gan hnyi hnyimakan Than, e ame ca he ka ijem waina me grâg; ke e ame he ka unöngöt ge Hanu Kap ûnyi hnyi hnyekon hinyen.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 1:41

Ke a long ut Elisabeth ibifuci Maria, me ame uthmâhmâ mendreng eû hnyi hnyekon; ke unöngöt dö Elisabeth ge Hanu Kap;

Luka 1:67

Ke a unöngöt dö Zakaria a kamen ge Hanu Kap, me e ame perofeta, ka habe,

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Luka 24:49

Ke wâ bi, inya oge me he ka kunâ köbun hna ha bânâ ga Cica: ke so öbun e he ka mē laba hnyi taun ke ne o but öbun e he ka hu man ûnyi ethö.

Luka 3:22

me ame olo but kâu Hanu kap hnyi unyin, helâ me biny, ke ame o but hofuc ûnyi hnyi drany, ka habe, U thibi Nokuk a oûnykûmik; oge me senyin köu.

Ioane 1:33

Ke oge me ca wâhmakhmeto e: ke haba at a kunö nya he ka bapataiso ge köiö, e ame ha könya, ka habe, Haba hnâm hna he ka wâ Hanu ame gâ ka hnyi hon, me laba hon, wale at ame bapataiso ge Hanu Kap.

Ioane 12:16

Ame ca wâhmakhmetoâ laten ta je hofuc eling ûnyi hnyi can: ke adre hia but oganö Iesu, me ödrin e ûnykûme a gʼ adre hia but sihnalimen ta je ûnyi e gan, ke adre me ânyâ ta je ûnyi e kâu.

Ioane 14:16

Ke oge me he ka khöû ka Kamen, me me he ka ham köbun ke Ûhadruo, me me he ka tha e m bun nyiele balua,

Ioane 14:25

Oge hia but ha ta je ûnyi e köbun, kʼ oge me tiga tha laba möbun.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 16:7

Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ioane 2:22

Ke hnyi ûen ame möt hmetu thö e ûheny hnyi hna mok, me ame ûnykûme laten a gʼ ame ha helâe; ke ödrin e kap hna sihnalimen me hofuc a ha Iesu.

Ioane 20:22

Ke a hia but ha e, e ame menâ ködrin, me ha, ka habe. Kap ju Hanu Kap:

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Ioane 7:39

Ke e ame ha ge Hanu, wale ame he tavat adre me labageju kâu he ka kap: anyin adre me tiga ca ham Hanu; anyin adre me tiga ca ogânö Iesu.

Ta je huliwa 1:2

ke ne o but bong adre me kap dö e hnyi drany ai, hwaban hnen hna hûna ka je aposetolo a deny Hanu Kap, wale hnyat e ame ûca:

Ta je huliwa 1:4

ke hnyi ke ûen e ame tha laba mödrin me hûna ködrin a ödrin e ca he ka vese ûhedrin Jerusalema, ke ödrin e he bi ka halubahingen ûnyi ame ha bânâ Kamen, haingen, ka habe waleji öbun e long ûnyi gak:

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 11:16

Me oge me ûnykûme thö hofuc hwan Than ame ha, ka habe, Ioane ame bapataiso ge köiö; ke adre me he ka bapataisoi öbun ge Hanu Kap.

Ta je huliwa 13:2

Ke ödrin e huliwa ka Than, ke ânyâ ca han, me ame ha Hanu Kap, ka habe, Ovesei Saulo thö me Banaba könya hobi kâu huliwa oge me hawʼ ödru kâu.

Ta je huliwa 13:4

A hia but kunʼ ödru hnen Hanu Kap, me ödru me he Selukia ai; me tabâ hu ûhedru e Kupero ai.

Ta je huliwa 15:28

Anyin ae so ka Hanu Kap, ke so minya kohmun, a gʼ adre me ca he bi ka hûgo gânâ hok köbun, hon ta je ûnyi eang ae ûcû, ka habe;

Ta je huliwa 15:8

Ke haba Khong at ame wâhmakhmetoâ je hnyok ame ohnathoâ ködra, kʼ ame ham kodra Hanu Kap, helâ minya ji kötin;

Ta je huliwa 16:6

Ke ödrin e vheno Ferugia hia me hnyei Galatia, haba Hanu Kap ame thawʼ ödrin he ka ca ha hofuc hnyi Asia;

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Ta je huliwa 2:4

Me ödrin e unöngöt hia thö ge Hanu Kap, me hwân he ka fuc hnyi je ve hwen hnyei bi, helâ me hnen Hanu hna ham ködrin he ka fuc.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

Ta je huliwa 28:25

Ke adre me ca tha hnyok bi, me adre me vese thö, hwaban hna ha ga Paulo hofuc a khaca, ka habe, E so hna ha hnen Hanu Kap a deny perofeta Isaia ka lakamöbun, haingen, ka habe,

Ta je huliwa 5:3

Ke haba Peteru ame ha, ka habe, Anania lö, ieû ga Satana ame ounöngötâ hnyekom, me u me he ka thoi ka Hanu Kap, me behânâ duöngâ ke keihen hwaban hnyei.

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Ta je huliwa 7:55

Ke e a unöngötö ge Hanu Kap, kʼ ame wâ hmâ drany, me wâ hmanenanginy Khong, me Iesu ame tot hnyi ke keihen a metân Khong,

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Roma 5:5

ke haba gejon ame ca ohmehma bi; anyin adre hia but hingâlâ ka hnyi je hnyekuta ibetengiö anyin Khong ûnyi ge Hanu Kap waleji adre ham köta.

I. Korinito 12:3

Anyin a wale, inya oge me thumetu öbun a gʼ ame ca fuc ûnyi ge Hanon Khong at ame ha, ka habe, anathema Iesu; ke ba at ae khana he ka ha, ka habe, Iesu thibi Than, ke so bi ûnyi ge Hanu Kap.

I. Korinito 6:19

Hawa, e ca khanʼ öbun a haba je unyibun, me uma umen Hanu Kap wale eû hnyi je hnyekubun a hu but köbun ûnyi ge Khong? haba öbun, me ca anyibun bi;

II. Korinito 13:14

E so e unyibun hia thithö ibetengiö baû anyin Than Iesu Keriso, me ibetengiö anyin Khong, me tha e mʼ öbun Hanu Kap.

II. Korinito 6:6

hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin,

Efeso 1:13

waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.

II. Timoteo 1:14

Haba ûnyi ae so adre hna but köu, tuö ju hnen Hanu Kap at ame laba hnyi je hnyekuta.

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Heberu 10:15

Ke ame ohnathoâ minya köta Hanu Kap: anyin a hwaban hnen hna ha, ka habe,

Heberu 2:4

ke ame munyi ohnatho mʼ ödra Khong ge ta je haten, me ta je ûöman, me ta je huliwa ae man ae ve bongon, me ta je bwihlany anyin Hanu Kap, helâ me weny.

Heberu 3:7

Anyin a wale helâ me hna ha hnen Hanu Kap, ka habe, Hnyi bong ang, öbun ka he ka löng ifucin,

Heberu 9:8

ke haba Hanu Kap ame omanenâ ûnyi eang a ödra tiga ca omanenâ gethen ka hnyi dok ae kap waleji kʼ ame tiga tot uma menâ a bân;

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.

II. Peteru 1:21

Anyin ame ca o ke hna perofeta ehac ûnyi hnyi weny at, ke ame ha tavat ûnyi ge Khong, ke a huliwan je hnyekudrin hnen Hanu Kap.

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

I. Ioane 5:7

Ke Hanu at ame ohnathö, anyin ae hnathu Hanu.

Juda 1:20

Ke haba öbun, laoûnykûmik, up öbun dö goranyai hnyi anyibun labageju ae ti kap, me hic hnyi Hanu Kap,

Hna Omanenâ 2:11

Haba at ae hu hnyikonyen, long ju hna ha hnen Hanu ka ta je ekalesia. Haba at ae hwege, me ame ca he ka vec hnen mok a loiny.