Ioane 14:24 - Iaai Bible 1901 (New Caledonia)

²⁴ Haba at ame ca hnyok könya, me e ame ca vheno bi hok hofuc: ke haba hofuc öbun e long, me ca ûnyi bi gak, ke ûnyi bi ge Kamen at a kunö nya.

Ioane 14:24 ပူးပေါင်းရင်းမြစ်များ

Mataio 19:21

Haba Iesu ame ha kâu, ka habe, A ne wem he ka bekhöt, he thö, ûco thö ânyâm ta je ûnyi, me ham ka tavat ae theduoc, ke u me he ka hu tang omjeû hnyi drany: ke aiö u bi, he hotuk.

Ioane 14:10

Hawa, u me ca ûnykûme bi a inya eû hnyi hnyin Kamen, ke Kamen eû hnyi hnyik? haba ta je hofuc wale oge me ha köbun, me o ge me ca ha thiju a ka ûnyi gak: ke haba Kamen at ame laba eû hnyik e ame ânyâ anyin ta je huliwa.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 14:25

Oge hia but ha ta je ûnyi e köbun, kʼ oge me tiga tha laba möbun.

Ioane 3:11

E hnathu, e hnathu, ohmun e ha hnö-hmun hna wâhmakhmeto, me ha hnathoâ hnöhmun hna wâ; ke öbun e ca kap hnöhmun hna ohnathoâ.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 5:38

Ke ca e bi eû hnyi je hnyekubun hwan hofuc: anyin a öbun e ca labageju bi ka hnen hna kunâ.

Ioane 7:16

Me Iesu ame thu kodra, ka habe, Ca ûnyi gak hnök hna ûne, ke ûnyi ge at a kunö nya.

Ioane 7:28

Me haba Iesu ame fuc hwege hnyi hnyin uma kap me nö ʼdra me ha, ka habe, E khanʼ öbun dut inya, ke khanʼ öbun minya but dok oge mwi hnyin; oge ca o ka ûnyi gak, ke e hnathu e at a kunö nya, wale at ae ca khanʼ öbun.

Ioane 8:26

E ha gak ta je ûnyi ae se he ka ha köbun me he ka owisa: ke so bi e hnathu e at a kunö nya; ke haba je hofuc a hwan oge me long me inya oge me ha e ka hmeledrany.

Ioane 8:28

Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

Ioane 8:38

Inya oge me ha ta je ûnyi oge me hia but wâ unyin Kamök: ke öbun e mâdrâ minya öbun hnobun hna wâ unyin kamöbun.

Ioane 8:42

Iesu ame ha ködrin, ka habe, A ne Khong Kamöbun, öbun e he ka hnyok könya; anyin oge me o but, me oge me o ûnyi ge Khong; ke oge ca ka hamök o, ke e a kunö nya.